主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 吹水台內。

與時並進 重新出發

接手高登CEO至今已經有八年,一開始知道要代表高登出席唔同場合,都擔心會俾人起底,但最後決定豁出去以真面目示人。記得上任唔夠一年,就遇到高登歷年o黎最嚴重o既事件 — — 被告誹謗。最初我以為對方只係「嚇o下大家」,殊不知官司一打就打o左五年,最後打到上終審法院至告一段落。當時所受o既壓力大到難以形容,幸好得到好多會員o既支持,甚至有會員自發希望o係財政上給予支持,至今我仍然非常感激。不過,就呢單訴訟我o地花費o左超過7位數字o既律師費同賠償,換o黎法律上清晰釐定討論區要為會員發言負上o既責任。

除o左經常要處理關於誹謗問題o既律師信,高登最常要面對o既就係網絡攻擊問題。其實我o地一直有為伺服器作軟硬件上o既更新,奈何網絡攻擊o既「攻勢」日益增強同頻密,唔少時候大家鬧緊我o地Server超慢,背後其實都係因為伺服器受緊唔同程度o既攻擊,唔單只程式員要用大部分時間o黎處理相關問題,我自己有時都要半夜起身,甚至身處外地時都要處理。面對呢o的攻擊,我覺得冇可能每次都同大家講,否則有o的敏感時間每日要出十次八次公告,大家可能睇到麻木。 ......
精選文章
DeerGamer
New App Android IOS
跳至第

發起人
多屎專欄#1(一個現實無朋友 無人搵 唯有上網刷下存在感既會員)
406 個回應
維多屎

留意唔到, 標題原來限左60字咁少

之後有機會開到#三位數既時候就會唔夠位, 到時諗標題會係一大煩惱

如題
係現實中朋友0個, 唯一一個熟既, 會關心下我既frd都去左英國

依家仲會同佢訊息下, 但再無約到出黎面對面行下傾下計, 甚為孤獨

諗住同同事做下朋友子, 又唔知點開口
一黎佢地有家庭有女朋友, 工餘時間陪屋企人, 同女朋友出街
我會問: 都無邊個似我咁想搵人伴, 因為已經都有, 係得我自己毒J一條fing fing下姐

如是者, 係工作場所我都係默默咁做野, 日復日

我諗會俾人意識到我呢舊屎既地方, 可能得高登, 或者都唔會有


#good2#4    #bad#1  
標籤:
好多野想講

或者講下我點解開呢個POST

本身有炒股, 會睇下異常人2046專欄睇下佢點睇後市
佢啲睇法同我都幾似, 欣賞佢

心諗, 不如都開個POST俾自己啦, 因為我都好多野想講, 但現實生活搵唔到人聽

或者依加啲人太忙, 我唔知佢地忙咩, 可能係工作, 可能係屋企

但個人經驗, 搵到人聽自己講係好困難

自言自語 / 當呢度留言版咁

叫另譬一個途徑

只要高登唔摺, 甚至我瓜左之後都可能仲有人睇到, 留意到有多屎存在過既痕跡

人死左, 就立刻無人記得呢個人, 我覺得呢個人會好寂寞

即管睇下我刷到存在感幾耐


2日半無睇手機

剛剛開返wtsapp睇
見到有個chat 對方開左24小時後自動刪除

我係度諗, 呢個setting係咪代表唔想chat, 無野傾就自動del

或者對方好多人搵, D chat太多, 我唔知

但俾我既signal係fire and forgot, 唔想長期交流

我又會諗係咪我既問題


我覺得會開自動刪訊息既, 都係保護性太強
好難溝通


諗起老母話,隨遇而安啦
然後一時又話,主動啲搵人,係咪想拍拖架
Hi佢老味一時一樣
咁點做至好


依加自己一個,去711食左10粒燒賣魚蛋雙拼

收我$16

然後去左附近公園坐

例牌周圍賓賓

人地離鄉別井出黎咁遠打工都咁happy
開哂點歌機拎咪唱歌

我生活條件好過佢地成百倍都唔開心

佢地有一班frd齊齊玩真好


諗起老母話,隨遇而安啦
然後一時又話,主動啲搵人,係咪想拍拖架
Hi佢老味一時一樣
咁點做至好

隨遇而安唔等於等運到架

只能話我盡哂力

盡力到個人灰機絕望


好耐未試過好似d賓妹咁開心

諗唔到係咩感覺

感受唔返


諗起之前上網識既一個女仔

小學老師黎,同佢出左6,7次街

前後夾埋用左我一年幾,生日又送禮物,又次次送人返屋企

俾哂誠意

之後忍唔住問佢有無意思咁呀

佢答:其實我唔知咩係拍拖

老實,曾經想過好多次不如算,但又覺得唔係咁易搵到個起碼傾到約到既

但呢句令我都心灰意冷離場算

拖左我咁耐,係未ready既早講

想搵人zip時間咁cheap


啱啱telegram 有人加我
33做文員,唔敢抱太大期望
近排遇到太多失蹤既

心裡好想係啱傾,但唔係咁易

多數tg加既,清埋你history del chat大把


好想係呢個post寫到一件係開心,正面既事

不過到呢個moment真係難過整乳溝

係乾既海綿扭出水唔向左走向右走係work


https://upload.hkgolden.media/comment/kqfqofz4.byetqz401o3.jt4h41jopma.bbd.jpg


有樣嘢又突然想講下

話說近排阿媽有撩起以前介紹過嚟嘅一個女仔叫我約下人

咁我都去約下啦咪出到嚟食飯大家最好近就揀返同區附近

我就同佢覺得餐飯有傾有講算係咁啦

如是這我中間又繼續信息下佢咁佢係間中覆下我咁樣

之後有約個食飯傾下計坐下

成件事我覺得係比起我上網約嗰啲女仔正常好多嘅

但有樣嘢我都越嚟越灰心

同佢個女仔傾咗個幾月呀
冇一次佢係會主動訊息我
觀感上就係我不斷咁搵人好似好煩膠咁樣不斷搵
我都有問過:咦其實你會唔會主動搵下我㗎有時, 有時都想你搵下我傾下計呀咁樣

佢話:ok OK

如是姐過咗兩個禮拜
到呢一刻佢都未主動開過口

我覺得有啲冇乜意思啦同佢相處好似淨係得我一個人上心
而家都唔知搵唔搵佢
我就打算唔搵住唔算由佢

好攰

係咪我嘅認知錯呢,我所識嘅結交朋友係應該互相有來往就唔係單方面

成日係咁搞到我好攰 /___\


我明

一件事有好多可能性

或者,問題係我身上,或者,唔係

或者人地背後識緊廿幾三十個男仔

或者佢係男扮女

好多可能

即使千絲萬縷

我都唔𠹌理

剩係想搵到個交心既人,可以扶持下我


呢件事就係我老母叫我

主動啲既導火線

而我唔知點同佢解釋

老母覺得我主動,人地就ok

但我自己都好攰


着緊

又有壓力

唔着緊

又話唔上心

其實我都好難做


本來今日好想買啤哂飲

但最尾無做。前日買左一罐特價500ml既青島

真係同飲水無分別,但求一醉

果日我係醉既,暈下暈下,係海邊休息左陣返屋企就訓

隅而一次ok,求片刻暢快

不過醒返又係loop過,無謂架喎

有時直接面對自己感受 真係好痛苦

特別係果種感受自己唔想要



避 都係避唔到 感受呢樣野 就係不可分割

有意識在,佢就在

依刻我嘗試面對佢

不過同佢又溝通唔黎 點做好


識得個朋友

都係唯一果個,去左英國果個

我幾羨慕佢 佢真係可以修心養性自己獨活

自己一個住,洗衫,煮飯,買餸

話佢苟延殘喘,話佢自得其樂 也罷

佢呢份從容 我好羨慕


着緊

又有壓力

唔着緊

又話唔上心

其實我都好難做

邊個話你唔上心
Auntie[sosad] ?

啲女仔

到我唔出聲 我唔勉強搵話題 等自然而然

佢地又覺得我興趣唔大

覺得我無心識人

覺得 點解 依加你追求緊我

做咩唔係日日搵佢地

最後一句:你都無心識人

然後就black list me


有時都唔明點解街上啲人

點拍到拖

咁𠹌困難

仲有 我醒覺 老母說話唔可以信太多

即使我老母唔係想害我 但佢用緊廿幾三十年前果套笠落黎 以為適用係呢個世代

真心 唔啱洗

但佢又硬頸 一定要我跟 成日嘈

好攰


啱啱炒底入左d道指同納指 試試

我都覺得自己痴線同有少少上癮

係咁既moment

我仲會去睇住個市


股市真係一個大賭場


唔知道

依一刻

世界上有幾多人

同我一樣

自己一個爭扎緊


https://upload.hkgolden.media/comment/m2octbgt.gven15juzbc.4sypln1xnpu.0gc.jpg


唔識點接受

有時有啲野

唔係一時無轉機

而係

一世都可能無轉機


今晚又唔太想食飯

想食麵

唔太想同阿媽溝通
但又唔得

好多野唔想

但又自己話唔到事


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 14/4/2024 22:46
今天貼文總數: 531 | 累積文章數目: 7,248,297

聯絡我們 | 服務條款 | 私隱政策 | 廣告查詢 | 職位空缺
Copyright © 2024 HKGolden.com. All Rights Reserved.