|
M一早瞓咗但係S沖完涼出嚟開始feel到間屋有古怪,覺得間屋好靜,靜到耳鳴嗰種, 之後直頭耳仔痛,佢哋喺嗰度住咗差唔多四個月,從來未試過有一晚係咁靜(如果知道我講邊頭嘅話應該都知道嗰到成柒日黑鬼開槍打大交）
咁佢開頭以為冷親唔舒服, 就拿拿聲食兩粒藥就上床瞓, 但瞓咗落床唔夠五分鐘就已經畀鬼壓成個人旭唔到, 壓咗陣仲見到佢床尾道衣櫃門趟門慢慢趟開咗, 入便仲有個好似男人咁嘅物體揼低頭啤住佢, 嚇到佢差啲瀨尿, 但諗諗下佢成世人有冇得罪過人, 嗰件物體憑乜嘢嚇佢, 之後就開始係心入面爆粗鬧嗰件物體問佢想點, 咁嗰樣嘢又唔覆佢喎, 大家就喺度僵持之後冇耐S就瞓著咗
到第二日起身M已經醒咗煮緊早餐, 到衣櫃門又閂返埋佢以為自己發夢就冇再理, 如是者差唔多兩個星期佢每隔幾日就會夢到呢個男人又係唔出聲啤住佢, 有時甚至佢早瞓過m都會無啦啦扎醒然之後畀鬼壓, 佢都開始慣覺得自己可能係嗰日比跳樓嚇親,先至發埋啲奇奇怪怪嘅夢, 直到有朝同m食緊早餐嗰陣m同佢講下次沖完涼換衫記得閂番個衣櫃門, M朝朝起身都要幫佢閂, 佢先知真係奶咗嘢, 但佢又唔夠膽同M, 租約仲爭成兩個月先到期, 佢又唔想一個人頂硬上, 晚晚畀鬼壓, 咁咁啱佢聽其他同學講我本身好黑仔,如果嗰度有鬼一定會撞到正, 而佢又覺得如果真係關跳樓嗰單嘢事我去到我應該都會中招, 所以佢就搵咗啲藉口嗌咗我過去佢屋企瞓一晚
咁我又戇鳩鳩過咗去心諗唔會啩咁邪, 但唔知係咪因為我哋三個都係跳樓嗰單嘢嘅當事人,結果當晚三個一齊畀人壓, 佢兩個瞓房齊齊見到嗰個男人啤住佢地, 我一個人瞓廳就乜都見唔到淨係畀人壓住咗
本來S諗住M唔知, 佢最多俾鬼壓多兩個月之後諗辦法轉返去舊Campus住宿舍先同阿M講, 結果而家三個都畀人壓到扁, 就即刻諗方法轉, 咁係佢哋轉科之前我都有捱義氣過去一齊住, 但結果都係一齊畀人壓, 咁之後我就話不如S&M去我間房度住啦, 我同細C share房, 反正佢成日都上去G到瞓, 咁問完細C決定好大家即刻執嘢走, 執嘢嗰陣三個一齊耳鳴得好緊, 痛到差唔多喊出嚟, 咁我哋都頂硬上, 一搞掂即刻衝出門口, M衝去㩒lift, 我拉緊行李門S企喺我隔離諗住閂門嗰一瞬間, 我同S都聽到有個人講咗句
你話你會幫我
|
