新疆人就冇人理
![[sosad]](/faces/sosad.gif)
新疆畀人吹大咗
China講得啱，呢啲係內政。違反人權嘅事，尤其係喺佢地本國發生嘅，國際社會真係無咩可能喺實質上做到野。所以澳洲都只係口頭上關注下新疆。
亦都係因為澳洲叫得太猛，帶頭追查武漢肺炎，俾中國寫左14宗罪（包括澳洲就新疆嘅發言），所以俾中國無理加貿易稅同埋搞呢壇野。
澳洲軍人殺人自己政府公開調查同埋重罰參與罪行嘅軍人。如果有睇澳洲新聞，呢排澳洲都有十個八個軍人自殺。有可能係調查發現佢地身有屎畏罪自殺，亦都可能無犯罪但係覺得榮譽受損自殺。澳洲係有道德底線嘅。
中國係政府落order叫軍隊或其他政府機構去新疆西藏蒙古香港做野。做乜野不必多講，大家心知肚明。
亦有人插澳洲都捉吹哨人。如果你覺得澳洲係同China捉李文亮醫生去派出所簽悔改書同一個level，你就錯了。首先李文亮醫生喺醫院見到病人係公開資料。嗰個吹哨人攞嘅係軍方秘密檔案。而且案件未審完未定罪。告佢嘅係佢非法取得秘密檔案。李文亮係以散播謠言俾人捉，而且唔洗審就定罪要簽悔改書。法律程序上澳洲係無錯，大陸係無法律程序的。至於合唔合理，大家都唔合理。不同之處係澳洲大把人撐澳洲個吹哨人，搞緊簽名活動叫放人，而且無俾人滅聲。喺大陸支持李文亮質疑政府嘅全部俾人刪po.
再講，其實澳洲總理唔係叫個“畫家”唔好再畫同埋po啲畫出黎。我要加“ ”喺畫家兩隻字上係因為好多人話畫咩畫係畫家嘅創作自由。咁就奇怪，中國本身就無自由。佢嘅作品只限於表達一方面嘅意見，咁其實已經唔係畫家係propagandist，所以唔洗因為創作自由而俾面個“畫家”，係可以落力Hi佢嘅。
澳洲總理其實係叫趙公公唔好po假圖出黎。事實上澳洲軍人有殺人亦都承認有殺人，殺左咩人同埋點殺邊個殺因咩事殺都有詳細報告上網搵到可以參考。作為中國政府官方發言人，就應該同民間唔同level，唔好咁低劣未睇report就亂po一張表示澳洲專殺小朋友嘅宣傳作品。要po唔該po真實圖片，唔好po假圖。要話澳洲專殺小朋友就唔該搵證據。搵到真圖po出黎就唔係造謠侮辱囉。好似澳洲同埋世界各地官方，或者中立有公信力嘅傳媒報道天安門新疆西藏等就用真圖。但係事件發生喺Twitter，刪圖？澳洲算罷啦。你估Twitter係好似WeChat咁，話刪澳洲總理對澳洲華人嘅安撫文章就一粒鐘內即刻刪到咩？Twitter係保障言論自由同埋做嚴格嘅中立fact check的（好似係）。
