想問依家返工個到繼唔繼續做好？
你好, 你而家係做緊乜野工作呢? 做左幾耐, 為咩會有想離職既諗法呢??
Sales, 差不多兩年。人工底，最近生意好差，同埋做得好悶
你好, 基於你既問題, 繼唔繼續做好, 呢個是非題, 我為你開左一張牌. 答案係唔應該繼續做. 以上呢張牌係杯6 (逆), 意思係你對呢間公司冇乜野好留戀.
之後, 我地再睇下奧修禪卡對於你繼續留係度或去第度做會係點樣吧.
最下面既牌叫"懶惰", 呢張牌唔係話你懶惰, 而事原你係做到冇哂心機, 生意差, 冇士氣, 開始有D hea做既態度出現啦, 就算見到有好多野未搞掂, 你都好似冇左動力唔想郁咁.
左邊兩張牌係指你如果繼續做會點樣, 第1張叫"封閉", 正所謂冰封三尺非一日之寒, 人工低唔係今日既事, 你起初係想搵個地方, 人工低少少唔緊要, 做住先, 希望可以慢慢加人工, 結果而家生意都差埋, 你更加冇得再期望佢會加你人工啦, 因此呢個隱憂又係呢個時間引發出來, 變成你唔想做既一個理由. 呢度只能叫你放低對人工既執著先可以解決到你心事, 可惜呢個近乎冇乜人可以放得開.
第2張叫"強烈", 你既表現影響左周邊既人, 令到大家都感同身受, 士氣冇哂, 不過公司生意差, 有幾多個員工仲可以有咁好士氣呢. 你想quit呢份工, 呢個心態隨住時間增強, 你會覺得你浪費緊時間, 你幾乎好想聽日就走, 但走左你會冇左收入, 所以呢度你剎住左制, 猶豫落來...
最上面果張係俾你既建議, "慢下來", 意思唔係要你工作既速度好似"賭神出場"慢鏡頭咁慢下來, 而係要你步步為營, 做一個唔顯眼既員工, 保持住安穩既心態, 你或可以同自己講, "外面好多人失業, 而家手上有呢份工, 人工係低D, 但將來個市好番之後一定有大把機會, 不如係呢度草下經驗先啦," 而呢張牌承接左上面果張"封閉"既牌既意思, 放低對人工既執著, 對公司生意差既憂慮, 思緒放緩, 悶悶地做, 好過做到死死下丫.~ 當你做到呢張牌所講既, 你繼續send CV出去, 慢慢, 你會遇到其他機會, 而你都唔會擔心見唔成. 因為你而家手上仲有份工係手. 岩嗎?
如果你認為呢份工無論如何都一定要走, 我再解埋右邊兩隻牌你聽丫.
