大師，有樣野想問下。而家面前有兩份工比我選擇。一份係做地盤安全人員，一份係救護員。而家小弟諗緊做邊份比較好，可否比點指引小弟
你好, 我先用以上既奧修禪卡牌陣去為你拆解一下兩邊有咩好或唔好吧.
左邊兩張係地盤安全人員, 右邊係救護員.
最下方果張係而家當下既內心, "友誼", 呢張牌出現係呢個位置, 唔係話你友誼上既問題, 而係話你而家好被動, 兩棵樹, 兩棵都咁靚, 而且兩棵都有接觸, 即係話你對眼前兩條路都有認識.
左邊兩張, 第1張係"全然", 意思係你去做地盤安全人員, 只需要跟住人地既方式做就得啦, 自己可以唔使點諗, 因為你已經有左基礎知識啦嘛, 你只要跟住人地做就可以架啦, 適合時配合下, 咁就OK啦.
第2張牌叫"控制", 呢張牌意味住你做地盤安全工會好拘謹, 一定要按程序做, 最盡唔好加自己既意見, 因為你將遇到既上司並唔係果D善於係制度上便宜行事既人, 做落你可能會覺得D制度好白痴, 但都要跟住做. 否則就俾人鬧架啦.
右邊兩張牌, 係關於你做救護員既. 第1張叫"慶祝", 牌中你會見到有三隻阿嬸跳舞好開心, 即係你到時既工作環境, 又或者做救護員俾到你既成功感或使命感, 又或者係人工會比前者更好, 但唔好忘記, 唔好賣弄小聰明, 係職場上, 人地笑得咁開心, 你係應該要跟住笑, 融入佢地,
但工作上, 第2張牌, "重擔", 意思係到時你既上司會俾好多工作你做, 同事之間係融洽, 但工作壓力會令你透唔到氣, 而且一旦有乜野唔掂, 佢地唔會直接指出你既問題, 佢地係會以辦公室政治手段去雪藏你. 因為愉快既工作環境只係表面, 實際上.... 你明嗎?
最上方果張牌, 俾你既建議係先重新以一個新既標準去選擇. 因為兩者相比之下, 你係好難搵到答案.
then, 我地再睇百年塔羅既取捨牌陣吧, 照舊, 左邊係地盤安全人員, 右邊係救護員.
左邊第1張叫"世界", 意思唔係話你係世界仔, 而係你要融入環境, 呢度既環境暗示果度需要你花多D時間去適應. 第2張"劍1(逆)", 意思係指呢份工帶俾你有更大既挑戰.此外, 你會容易夾唔到D同事, 會有意見不合既情況出現, 呢度提醒左到時要冷靜, 雖然你對相關工作有認識, 但都唔好出聲, 盡量唔好俾人知道你有幾多料.
右邊第1張叫"杯7(逆)", 呢度係你對救護員呢份工既睇法, 例如, 你認為做救護員好辛苦, 呢張牌就係要話你知, 冇錯! 的確真係會好辛苦. 人地成日講"事情唔係你諗到咁差", 但呢張牌正正就係話"事情的確係好差". 另一張牌叫權6(逆), 意思係你如果做救護員, 你將會越做越冇心機, 受到好多批評, 批到你冇哂自信, 不久既將來係會辭職既.
以上兩個牌陣, 拆解左兩份工既環境, 兩份工對你既影響, 咁你可以衡量一下, 邊份工既經歷係你所能夠全部接受架呢~? 如果要講邊份好, 其實兩份都唔好, 地盤安全人員都唔太見得好好, 但比救護員好D.
希望幫到你啦~^^
將來如有任何問題, 歡迎隨時PM我丫.
