最近大壓力但冇乜動力 唔知學業會點呢？
你好, 基於你提出既問題, 我會以幫你了解下當下情況而為你試下用呢個牌陣做出一個占卜. 以上牌陣係幫你睇下潛在問題同解決方法. 希望幫到你.
中間既牌係你面對既問題. "存在", 你壓力既來源係因為你將自己睇得太重要, 就好似呢個世界唔可以冇左你, 又好似世界係度捕捉緊你, 如果發生係你呢件事上, 你既壓力應該係來源於旁人, 可能同學之間分組討論, 佢地個個睇你頭做野, 又或者係父母對你既期望, 佢地向親友吹到你讀書好勁, 呢D就為你造成左無形既壓力啦. 相反來睇, 你可以運用呢個壓力變成你既動力, 因為你充滿存在感, 你企係舞台既中央, 大家都睇你頭, 你既一舉一動都顯得特別重要, 注目, 你可以enjoy呢份存在感.
左邊果張, 係一個潛在既影響, 張牌叫"內在的聲音", 呢張牌係一張觀自內心既牌, 係你內心, 就算閉上雙眼都會聽到好多來自唔同人既聲音, 有勸告, 有訓導, 亦有是非, 呢D噪音掩蓋左你自身既聲音, 令你感覺好似俾人拉來拉去, 點做都滿足唔到別人. 其實好簡單, 你只要滿足自己就可以啦, 你試下靜落來, 唔好理其他人點睇, 諗一諗自己想點, 呢個時候你係需要休息, 出去散心, 定係點樣... 當你靜落來就會知道架啦... 係奧修哲學之中有一個原理, 就係當你觀察到內心既聲音之後, 正路來講你係應該去思考點樣達到內心想要做到既野. 呢個好重要, 因為世上太多人背離左自己想做既野, 因此一切顛倒, 通通變得唔順心, 沉溺, 令自己無盡痛苦.
右邊果張, 係一個你已感受到既情況, 叫"妥協", 呢度更加承接左上一張牌既講法, 意思係你並唔係想好似而家咁但被迫住繼續向錯既方向前進, 而家你會懷疑自己, 大壓力, 冇動力, 成個人好似被揸乾哂咁, 唔想郁, right? 正常既, 你係因為做緊自己唔想做既野而覺得攰, 再咁落去唔係好事, 因為妥協會令你背離左自己想做既野, 一切都會越來越混亂, 越描越黑, 呢度提示住你, 唔好抑壓...
下面果張牌, 叫"參與", 呢張牌為上一張牌作出左開導既意思, 妥協唔可以解決問題, 但"參與"係可以, 為何咁講呢? 因為你既生活因壓力而變得枯燥, 再而令你無法好好休息, 以致冇哂動力, 你係需要係自己生活裡面加入一D野去調整, 例如買D自己喜歡既野, 做D自己喜歡做既活動, 打波, 唱K, 或者係其他社交活動 (同學業完全無關既野). 禪意係指你到時可以接觸到不同既元素, 令到自己生活冇咁枯燥.
上面果張牌, 叫"四海一家", 呢張牌原意係指要你睇開D, 但深入D講, 就好似承接左上一張牌咁, 社交. 你需要搵人溝通, 例如來問卜, 你需要同人互動, 例如打波, 唱K等等... 當你聽下別人既故事, 別人既心事, 反而會令你有開導既感覺, 因為你會知道, 呢個世界你唔係最慘果個. 而見到別人有講有笑, 你整個內心既氣氛都會唔同哂, 就可以解決到你而家大壓力及冇動力既問題啦.
希望幫到你啦~^^
如有需要, 隨時PM我.
