賜左個酒, 同少少膠幣, 少少心意請笑納
由左至右, 垂直每行為1個月, 每個月2張牌.
第1個月, 第1張, 杯6, 呢個係講述你對於呢個業務既心態, 你對往時再困難既時期都經歷過, 你深信未來係會再次好境, 而你既回憶令到你繼續有動力去做., 第2張, 錢9, 現階段即來緊1個月你業務既利潤都還算可觀. 問題在於你見到有可觀既利潤既時候, 反而唔應該勉強自己繼續搏到盡, 呢張牌意味住你係要有相當既休養.
第2個月, 第1張, 愚者(逆), 呢張係指你到時會有一種不確定性既憂慮, 雖然先前有可觀既利潤, 但你會因為之前既困局而令你有種莫名既擔憂, 咁樣唔係唔好, 但會影響到自己做野既心情. 第2張, 劍2, 承接番上一張牌既擔憂, 你會感覺到是否係時候作出某些決定, 可能會係諗緊是否應該退出, 或是繼續投資, 呢個時候你會需要做一次決定.
第3個月, 第1張, 杯侍(逆), 呢個會大獲D, 你好灰, 唔知先前既決定是否正確, 你會懷疑自己係唔係行錯左路, 你既情緒會好亂, 你對營運上會有錯誤既做法, 要注意呢樣. 第2張, 劍3, 呢度亦係對於你既心態既描述, 承接上一張牌, 你既情緒一亂起來, 來到呢張牌就意味係呢個情況有惡化既跡象, 你唔只會擔憂, 仲會承受緊來自工作或人事既重大壓力, 呢D壓力係迫緊你去做出某些決定, 你將好多唔開心既事收埋係心裡面, 懶得組織搵人傾訴, 因此令到你既心事越來越沉重, 重到3劍穿心, 氣都透唔到.
第4個月, 第1張, 錢騎, 經過上一張牌俾左你咁多壓力之後, (假定)你既性格係遇強越強, 你承受左呢系列D困難, 壓力之後, 你振作起來, 達到左一D目標, 令你信心番番來. 第2張, 杯7(逆), 你會進一步去回想番之前既困局, 其實未必好似你之前所擔憂地諗到咁差, 你會清醒過來, 繼續為未來既業務作出正確既規劃.
第5個月, 第1張, 劍4(逆), 呢度講緊你會忙到Hi Hi, 真既, 因為連休息既時間都冇, 又或者有左D乜野事, 令到你唔可以抖, 攰到半死都要撐落去, 如果工作多到你冇時間休息, 係好事, 證明生意多左. 第2張, 權侍(逆), 承接番上一張牌, 呢度推算出你忙到死死下既時候, 好多野你忽略左, 因此得唔到對比既收獲, 如果你有partner, 你就要注意會唔會出現意見分歧既情況啦.
最後1個月, 第1張, 死神, 呢度係一個事情既終結或重新開始, 意思係你到時有可能要"棄車保帥"或"破財擋災", 而呢個事情過後, 所有野會重新發展, 再轉營亦係一個可能性. 第2張, 劍8, 唔好太過於執著做生意就只係為左搵錢, 正常係為搵錢既, 但如果你有一D更有創意既諗法, 你認為係行得通既, 即使短期內冇錢賺, 都可以不妨試試, 例子, "iphone"初初出都不被睇好, 後來先可以大賣. 有創意, 自然有人欣賞, 慢慢就會街知巷聞.
暫定係未來6個月既走勢, 或早或遲, 事件出現期間或長或短. 明嗎? 希望可以俾到有用既啟示你.
第時如有乜野想問卜, 歡迎隨時PM我.
