主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 吹水台內。

與時並進 重新出發

接手高登CEO至今已經有八年,一開始知道要代表高登出席唔同場合,都擔心會俾人起底,但最後決定豁出去以真面目示人。記得上任唔夠一年,就遇到高登歷年o黎最嚴重o既事件 — — 被告誹謗。最初我以為對方只係「嚇o下大家」,殊不知官司一打就打o左五年,最後打到上終審法院至告一段落。當時所受o既壓力大到難以形容,幸好得到好多會員o既支持,甚至有會員自發希望o係財政上給予支持,至今我仍然非常感激。不過,就呢單訴訟我o地花費o左超過7位數字o既律師費同賠償,換o黎法律上清晰釐定討論區要為會員發言負上o既責任。

除o左經常要處理關於誹謗問題o既律師信,高登最常要面對o既就係網絡攻擊問題。其實我o地一直有為伺服器作軟硬件上o既更新,奈何網絡攻擊o既「攻勢」日益增強同頻密,唔少時候大家鬧緊我o地Server超慢,背後其實都係因為伺服器受緊唔同程度o既攻擊,唔單只程式員要用大部分時間o黎處理相關問題,我自己有時都要半夜起身,甚至身處外地時都要處理。面對呢o的攻擊,我覺得冇可能每次都同大家講,否則有o的敏感時間每日要出十次八次公告,大家可能睇到麻木。 ......
精選文章
DeerGamer
跳至第

發起人
高登討論區特急通知:有關「緊急法」及「蒙面法」事宜
0 個回應
林祖舜(Joe)

Logo

高登CEO
是咁的,高登討論區自2000年起成立,一直致力為巴打絲打提供一個言論自由的討論平台。今日香港政府因近月社會事件而打算啟用「緊急法」成立「蒙面法」,本公司認為政府於此刻頒例有違常理,只會引起更大民憤,同時亦會製造白色恐怖,並影響香港言論自由的基石。

如果政府強行落實「蒙面法」,除了反彈回響變得更大之外,亦會因為令部分原本打算和平表達意願的市民不敢出聲,損害香港現有的言論自由,部分市民或將不敢再次上街以和平方式表達訴求。

其次,由於立法會暫停運作,如政府須強行通過「蒙面法」,則須啟動緊急法,此例一開後果將會不堪設想。

在此懇請各位高登會員積極廣傳「政府將推行蒙面法及採用緊急法」聲音,務求令更多香港人關注事件,並以不同渠道向政府表達意見。

高登討論區CEO
林祖舜上


#good2#1392    #bad#23  
標籤:
跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 7/12/2019 16:31
今天貼文總數: 508 | 累積文章數目: 6,598,525

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.