我睇左十勁幾年港漫,最好睇一定係黑豹列傳,係肥良唔畫之後先開始好睇1-316全部勁打勁打勁打勁
317期撒旦十三篇,開始由葉明發主編,黑豹迎來爆炸性改變,故事天馬行空,故事無窮無盡既創意,角色超強魅力
好睇過任何一本港漫,如果一個人只睇一本港漫,唔係睇咩神兵海虎邱福龍,而係黑豹列傳
黑豹好睇都時有聽聞
但係葉明發個段就都係第一次聽
無限打鬥 & 講粗口 係港漫特性
上頁有巴打話天子4好睇，當初未睇天子系列前都見人講過結果期望愈大 失望愈大
因為港漫讀者鐘意睇『強強對碰』係做成港漫劇本愈走愈窄的原因
用現今說法即係『戰力廚』，唔駛講老遠，google返十年前高登又好、近年連登又好的獵人po
你就知大多香港讀者把口話鐘意「有深度、劇情黑暗寫實」，但推po內容永遠討論返「打鬥」為主
再遠古d就係武俠小說，你見到好多人都會講金庸係天龍八部最好睇都係同一原因 (幾個一線同級互博)
但好少聽人討論究竟邊d人物對應緊『天龍八部』(天、龍、阿修羅、夜叉、迦樓羅、緊那羅、乾闥婆和摩呼羅迦)
天子4的敗筆正正就係為滿足讀者而創作，用今部主角的新武學去同天魔、天妖、再世項羽搞個全明星大亂鬥
你擺係其他架空背景故事係無問題，但擺係歷史為主的題材就係哂料
隋唐開國史咁多史料俾你改黎玩，你唔用走去一味打打打
黃易的大唐雙龍傳最好睇就係楊公寶庫玩奪寶奇兵，睇兩主角點樣易容潛入敵對陣容反串仲好睇過打鬥
再俾佢寫天子4的話剩係拎推背圖都有排玩，條友熟哂道家既野，歷史軍事、多條故事支線並行處理能力又強過金庸
