貼多次先
Uncanny Avengers短評：
出版至今我遲遲都唔敢為呢個作品下評語。難以客觀地評論肯定就係主因。其次，Cassaday老毛病發作令到漫畫頭四期脫向左走向右走哂期，搞到好多人包括小弟在內完全喪失動力追落去。Copiel接手第五期後，再一次挑起我睇書衝動，一睇就真係覺得幾唔錯，值得向各巴打推介。
Red Skull佔用Xavier腦袋從而得到舉世無雙Telepathy能力，呢條橋我諗真係除咗Remender無人諗得出黎。在云云食老本Marvel書當中，驚喜固然係有，最重要係Remender重視過去歷史(Celestials-Tech...etc)之餘，亦肯落意起用返元老級壞蛋，呢方面值得一讚。
其實，英雄齊打交橋段由Avengers Dissembled玩到AVX玩到令人頗討厭。所以UA就轉轉角度，由心理方面著手去探討Mutants喺後AVX世界存在意義，雖然前人唔係未試過，但近期黎講係比較有新意。而第五期就突顯到Remender想帶出既信息。
講開第五期，就不得不提到M-Word風波。其實，產生今場風波誘因係由漫畫證生至今已存有偏見既一眾傻的嗎鑽牛角尖X粉絲引起。我睇完都R向左走向右走哂頭不明所以，點解呢個世界可以存在住咁多咁偏激既讀者。
最新一期有關楂斧頭少年Thor同Appocalyse產生牙齒痕既經過，Remender明顯有跟Jason Aaron就少年Thor性格設定方面夾過計，兩本作品互相輝影。作家彼此間合作正正就係美漫中，最令讀者津津樂道之事，激讚。
最後要提既係，頭幾期有關AVX發生後種種衝突既描寫，的而且確唔算係上品。但大家要明白一點，處理AVX呢個垃圾事件餘波絕對係一件苦差。
