唔好用 1650, 慢到嘔
我就係由1650 升上 3060 12G
下圖 1660 係最廢個張, 你可以見到相對速度, 起碼差10倍.
其實 上newegg.com 買 3060 12G 都係3000蚊左右者
3000蚊, 你想 請個助手幫你畫圖, 一個月糧都唔夠啦
但你將卡可以用N年直到你壞機, 你咁諗其實就好低
我都係用SD 畫圖, 無玩過J圖, (始終J 開video, 對死圖無興趣
)
巴打畫乜圖？我原先想整畫賣，3k野要賣幾多張先回本？重有乜圖賺錢？j圖要要提
我本身做圖係自己用, 唔係用來賣, 所以好難答你而家係咩海鮮價, 尤其而家呢個時勢, D 人已經知道同開始用AI 幫手, 以前買一張精緻少少poster 都幾千起, 但而家估計應該會好似股市咁一路跌。
你可以想像到, 以前係要一筆筆咁畫幾日既野, 而家我求其幾筆畫個形 (連線稿都不是), AI 就一分鐘唔使幫我畫完上埋色出來. 最後只要按要求做返少少修正.
我反而咁同你講, 如果你本身係 artist 畫畫為生, 如果唔開始學用AI, 有可能好快會被人淘汰, 你睇新聞就知. D 遊戲/動漫公司都開始用AI 同炒人.
但如果你本身不是 artist 而諗住用AI gen 畫來賣, 除非你係自己做, 唔需要跟人要求, 否則你可以放棄。 因為市場需要既 係要完成到要求 既畫師, AI只係幫手, 現階段用AI 只能夠完成到大概7-9成,而剩下收尾既功夫, 係考畫師能力既地方, 如果本身畫功底子不好, 唔知點改, 咁只會唔上唔落 交唔到貨.
求其GEN D 圖出來放上網賣, D 人亦唔會買, 買圖既人基本都係想要用來完全一D野, 會有某D要求, e.g. poster, 廣告, 動漫, 遊戲.
只有自己主導既作品 可以突破呢個限制
例如，做個website 放 大量吸引到人睇既圖 （漫畫，美女等等），然後係website 賣廣告賺錢。(thats why 你見到 hkg 成日都有J圖, hkg 已經走投無路)
另外, 用 AI 唔係 想像中 咁簡單, 都有好多野要考慮, 最起碼 向AI描述你想要既野 就已經要用到少少英文, 就我過往經驗感覺話我知, 香港有一大半artist 英文都唔多惦... 可以google translate 既, 但係個 workflow 會好唔順, 而且未切準。重有其他操作係需要花點時間去理解同學習先可以做到好圖出來。唔係話買完張卡返來玩幾晚就會變高手。(我所指既高手係能夠成功用AI 完成你心中想要既野, 唔係求其GEN D 高質但偏離目標既結果)
