網民：唔好逼女演員做佢哋唔想做嘅事
有網民表示：「證明袁澧林冇講錯」、「袁澧林嗰頭講完演藝界啲垃圾風氣，嗰頭TVB就爆出監制陳維冠同男演員張智霖及吳卓羲逼女演員臨場加半裸戲」、「早幾日睇東張睇到呢段，講到係張曦雯知道其他人都拍咗之後即刻唔執輸話佢都拍」、「唔好逼女演員做佢哋唔想做嘅事得唔得？」、「呢單嘢最癲係，好明顯唔係一開始傾好有呢種程度嘅演出，然後一班人突然覺得要有同佢講，佢拒絕咗，仲要搵其他女演員去同佢講（重申：唔係一開始已經傾好咗，唔係傾劇本已經知道要做嘅嘢）基本上peer pressure佢」、「好討厭呢種講法，明明女演員本身係唔同意，冇得揀先妥協，但好似要宣傳到全部都係女演員自願暴露一樣，好唔舒服」、「張智霖仲要以為自己好X幽默咁出嚟講。唔提係江美儀袁詠儀氹佢拍」。
網民質疑張智霖有份策劃加裸戲？
事件發酵後，隨即有網民翻出張智霖早前在查小欣主持的網上節目《紅查館》中，曾自爆自己有份參與《璀璨之城》的劇本構思，連他飾演的角色名字也是他親自改。他當時表示：「初期構思劇本時，大家都一齊參與，唔係話攞到劇本就去演啦，係好早期……講有個咁嘅Project，大家想做啲咩先，咁就一路發展落去。」有網民認為，這顯示張智霖在劇本設計上有一定話語權，令大批網民質疑這場臨時加插的半裸戲，張智霖是否也是幕後推手之一，甚至炮轟他不尊重女演員的意願。
網民聯想到袁澧林被性騷擾風波
此外，網民更將此事聯想到演員袁澧林（Angela）早前公開控訴在行內遭遇的連串性騷擾，包括被男導演評論其外表與性慾「不像是人家想上的」、被幕前人員酒後以日文問猥褻問題，以及遭男前輩演員在無溝通、劇本無編排的情況下在現場強吻臉頰等。就連金像導演爾冬陞日前亦透露，曾接獲男星投訴被男導演性騷擾。網民指出，從近來被曝光袁澧林與張曦雯的遭遇，似乎揭示了香港娛樂圈中不論男女藝人，都曾在不對等的權力關係下面對困境。
