Miyako City Museum of Disaster Materials and History 宮古市災害資料伝承館
揸車去田老
一入門口，海嘯蹂躪過後嘅路牌，海嘯之勢顯見
當地防潮堤發展過程，第一防潮堤高10m，長2.3m，被譽為「萬里長城」，成功抵禦1960年智利大地震引發嘅海嘯，田老地區得以保存。跟住仲起埋第二、第三防潮堤，與第一防潮堤成X型。
海嘯應對措施
-網狀道路佈置，有利以直線（最短距離）前往高處，提升逃生效率。
-十字路口切角，增加道路視野，降低逃生時交通意外風險
-種植防潮林
-增加行人疏散通道嘅便利程度，整斜路，太陽能蓄能嘅街燈，扶手
-河流出海口設水閘
-海嘯觀測系統
-定期疏散演習
-口述歷史/故事活動，傳承防災文化同意識。
311海嘯襲來，第一二三防潮堤後嘅死亡率分別係4.47%、9.72%、6.12%。展館資料認為第二防潮堤死亡率最高同該堤壩係海嘯過程中崩塌有關。
當地中學師生係平日準備充足，災難發生時不只自救，仲協助其他有需要人士疏散，災難後初期協助搬運物資。
咩係公民教育，衣種有自律、有判斷力、獨立及負責特質嘅學生咪係答案。
另外根據展館資料，遇難同固定思維/成見有關。部分遇難者相信先前海嘯發生後，防潮堤夠做，今次都係，沒依循避難通知。
有啲就係防災知識不足，高估或者誤判防潮堤作用，以為防潮堤就可以搞掂。（實際防潮堤係增加逃生時間，未必可以抗海嘯於牆外）
結果就係….
