https://www.youtube.com/watch?v=HPSH645WB-Y此片關於實木地板！
個人極喜實木地板，特別係以前香港地慣常用嘅柚木地板，無論大、細，入字型砌、佛教符號砌，皆喜。
曾經目睹師傅砌木地板，舊式係燒瀝青，砌板。後來有啲地方唔畀燒瀝青，要改用膠水？
個人認為瀝青比較適合香港的氣候，當然，燒瀝青時，陣味同煙真係好大。
砌完地板，就打磨，又係煙塵飄揚。再上地板漆，陣味又係大。
早期唔係用光油或地板叻架，就見用戶成日打臘，好似服侍架車咁。
後期有地板專用油，就冇人打臘，或唔再需要打臘？就咁用塊潮潮地布拖地。
地板用舊咗或花咗，會見業主搵人重新打磨再上油，就煥然一新。
不過，沾過水，有水印，逆就必定發黑。
強国北方，以前好多不同類型實木地板可選，柏、杉、洋松（軟木）、楓？
見佢哋痴膠水（黃膠），鋪完基本上唔會再打磨，因為板材上已有浸薄地板油或純粹光油。就唔見用家再油地板漆。
所以咁就係片中地板會受潮發毛，彎曲嘅原因？施工方法與香港不儘相同。
去多啲外國嘅皇家或私人舊屋，特別係別墅式大宅，睇下佢哋個木地板，多種砌圖方式，可以你都會鐘意。
睇舊電影啲舞蹈場面就有。
當然，而家受居住條件所限，都可以鋪木紋地板膠墊嘅，聊勝於無。
