https://hk.on.cc/hk/bkn/cnt/sport/20261014/bkn-20261014193727519-1014_00882_001.html亞冠盃2 大埔主場迎戰獅城水手 | on.cc東網 | 體波周四（15日）「亞冠盃2」F組第2輪分組賽，大埔於旺角大球場迎戰新加坡代表獅城水手，作為今季「綠戰士」主場首擊，力爭於主場球迷面前搶分，重演上季主場不敗強勢。（HOY 76台周四下午5時55分直播）
大埔上季首戰「亞冠盃2」，於主場分組賽錄得兩勝一和的不敗成績，今季首度主場出撃，主帥李志堅表示會力爭延續主場強勢：「壓力成日都有，唔係淨係聽日先有，我哋希望變成動力，喺主場幫大埔同香港攞到分數，呢個係唯一諗法，唯有專注去踢，其他嘢諗唔到咁多，盡力而為。」是日大埔僅得16名球員參與公開操練，前鋒張憙延及後衞陳凱柏都未有現身，「堅Sir」解釋部分球員因身體不適缺席，相信兩人均可列陣。而周四（15日）賽事將於明晚6時正開賽，正值一般辦公時間，「堅Sir」預料必然影響入場人數：「呢個時間肯定有影響（球迷），坦白講大家都知道返工、收工時間，有啲球迷想支持但未放工，佢哋亦好難請假睇波，6點鐘踢肯定就唔係最理想。」
獅城水手陣中有宋義勇、哈里斯·哈倫及伊爾汗·范迪等新加坡國腳，去年曾於「亞洲盃外圍賽」與其碰頭的大埔中場陳肇鈞（Philip）表示，對新加坡球員印象深刻：「新加坡足球一直進步緊，我知道有（范迪）『三兄弟』，佢哋好有鬥心，代表港隊對過佢哋，其中兩個喺泰國踢波，我仲記得嗰個隊長（哈里斯·哈倫），嗰時佢喺柔佛踢波嗰陣就識，我同佢哋交手好多年，今次又再碰頭，特別期待聽日場波。」
獅城水手於F組首輪分組賽，以1比1戰和泰超代表巴吞聯，暫以1分排小組第3，英格蘭籍主帥馬克積遜（Mark Jackson）指大埔極具威脅，形容今場一如以往將會是硬仗：「我同教練團都好落力，今次備戰時間短，但我哋已深入研究對手踢法，大埔好有組織，球員個人能力強，邊路進攻同反擊都好危險，我哋一定要準備好，知道佢哋邊啲位置有威脅，同時搵到可以發揮嘅空間。」
【大埔預計正選陣容】
門將：94.謝家榮
後衞：26.李家豪 4.里安納度 33.加比爾 44.韋法頓
中場：97.馬昆奴斯 8.藍度 23.蔡立靖
前鋒：25.摩連奴 79.華力臣 16.陳肇鈞
============================================================
獅城水手教練真客氣。我估大埔輸兩球。
