本來早就 block 咗條友，見佢同佢啲同黨仲死纏爛打周圍開 post 屈人，為免其他食花生嘅手足被誤導，我喺度做返次「案底還原」。大家睇完自己判斷，講完我都想盡量唔理佢，因為我唔係好似佢咁得閒，自稱月入8萬，但可以喺高登24x7出現。
第一部份：屈人放飛機？時間線證明一切
1. 原先呢我老早就就講明去錦綉花園門口等佢。
2. 之後我親自到場，影埋錦綉花園車路入口張相出嚟。
3. 條友一開始就發老脾話門口冇人，屈我偷相。點知佢轉頭喺第二個 post 竟然話呢個門口係 YOHO？九唔搭八，連自己個「7000萬豪宅」門口都唔認得。
4. 見佢連地址都交唔出，淨係識死撐玩嘢，咁我咪走囉。
5. 最搞笑係，我走咗之後，佢先至貼張唔知邊度嚟嘅相話到咗，仲好意思周圍屈人放飛機？
![[flowerface]](/faces/flowerface.gif)
第二部份：屈人大陸仔？孟晚舟同出世紙嘅邏輯課
之前佢同班同黨死屈我係大陸仔，我張英屬香港出世紙已經應咗佢同路人嘅要求，擺咗出嚟畀大家睇，我唔介意重貼㗎。
條友見兜唔到，就係咁重貼護照同幾千萬存款出嚟。退一萬步，當佢啲圖全部係真，咁又點？
大家諗下，孟晚舟夠有幾本護照、有加拿大身份證、身家仲多過佢喇，佢咪又係大陸人！有錢同有外國護照，根本證明唔到一個人唔係大陸仔。連中學雞都不如嘅邏輯，仲好意思拎出嚟做證據。
澄清完畢，圖已備份。我現實中有正經工作同社交活動，無謂再嘥時間喺啲網上白卡身上。
呢個 post 係留畀大家做個紀錄，等佢同佢啲同黨日後再亂吠嗰陣，大家有跡可尋。各位慢慢食花生，我閃先。
