[quote]
[quote]宏福苑業主大會｜長者業主指怨氣爆棚 斥要收印花稅「乞兒兜度揦飯食」
https://www.facebook.com/share/v/19KSyY2D2T/[video]https://www.instagram.com/reel/Dc0ba_Zgbc5/?igsi=bHB1a3EzNmwwaG12[/video]
到大埔出席大會的宏仁閣居民李先生形容業權出售後仍要買保險的做法荒謬，「保啲乜嘢？唔比你上樓，咁條電梯仲保乜嘢養啊？」「層樓根本無人住、無人入得到去、鬼都入唔到去嘅，咁你買份保險來做咩？」他又認為合安沒有為災民福祉著想，不滿大埔場館只接受兩條居民提問；場地不准錄影之餘、合安亦沒有提供業主大會的錄影可供重溫，「咁即係點呢？問題無解決到，佢係嚟傳遞訊息㗎啫。」出席兩次業主大會的李形容「開第一次會失望，開第二次會更加失望」。
他亦不滿當局在收購業權時一意孤行，只一味「恐嚇」居民，認為大部分居民、包括自己都不是真正願意與政府簽署買賣合約，「佢不停放啲恐嚇嘅資訊出來，係咪一個政府所為、情理喺邊度？」「我地依家入面嘅怨氣，根本好多都爆棚。」
簽了接受收購協議信，業主仍面對不少問題，例如，完成賣樓後，買樓時，他們將要交印花稅。李先生說，解說隊最近向他們解說印花稅，「最少要畀六萬蚊呀，400 萬（樓價）以上部分畀 20% 印花稅，有乜理由要交？」
李先生說，老人家完全沒收入，「而且唔可以講叫做買賣，唔係自願賣，係政府逼我哋要賣層樓。冇收入要畀印花稅，簡直係一個笑話。你仲係個乞兒兜度揦飯食」。
關於重置的問題，李先生說，沒有一位區議員，立法會議員，為災民發聲，「咁我選你做咩呀，以後大家仲會唔會投票呀？」
他表示，現時街坊的怨氣「爆棚咁滯」，只能透過傳媒，向政府反映，希望當局願聽，作出改善，「你政府聽吓啦，大佬。」
此外，宏業董事侯華健最近賣樓套現，李先生說：「佢賣緊資產啦，你政府有冇凍結佢，第日賠償點計數呀？佢一清盤我哋渣都冇。呢啲政府你要去做，你告緊宏業，點解仲畀佢去套現呀？」
全文：
https://bit.ly/4yjPebC
