玄戰》Angel何許人(二)
Angel面試時，主持問Angel：「可唔可以估骰仔？」Angel 話唔得。
點解唔得？原來有一段古。
佢初初試過同朋友去賭場，佢估大細，朋友買，結果連中七鋪，朋友分錢比佢果下，佢嘅守護神就嬲左，講明以後唔可以用佢哋嘅能力搵偏財。
我之後問Angel做左幾多年靈媒，佢話四年，最早期係文職，搵得唔多轉咗做網銷，收入高少少佢已滿足。
有一日，佢守護神叫佢轉職做靈媒，Angel唔肯，怎料半年後兩個老闆要拆夥就結束營業，Angel先迫於無奈做靈媒。
Angel仲有段趣事，諗起都幾攪笑，佢職責係要幫人驅除邪靈，第一次用嘅係一把刀仔，然後要「我獨自升級」，一級一級咁升，
佢依家嘅武器就係關二哥借嘅關刀，我聽到都不禁要講「打機咁？！」Angel話係呀，好似打機咁架。
至於Angel有冇教人？係有嘅。
佢教過廿幾人，只有一個學生有少少靈力，我話呢個上天嘅安排，佢選中你係有原因，好似我外公係大嶼山某寺的廟祝，一出世就上契比大仙，試用一次跌落海無人救都無事，又要我讀書時爛面加失戀重讀，冥冥一早就安排我讀中醫一樣，唔做通靈類工作，守護神一直安排咗而我哋唔知啫。
![[think]cl](/faces/clown/think.gif)
