Hi Hi諗諗吓聽日入唔入啲941好
9叔睇完隔離post定係見到創狗害941
![[sosad]](/faces/sosad.gif)
唔知呀
阿創又話搞到好大鑊
差佬又幫晒佢
仲會有法律行動
呢鑊中移動死向左走向右走硬啦
咁斷勁估咁向左走向右走多利好消息籃燈籠買得過喎
同阿蛇講故事詳盡版：
我朋友其實同呢條Hi Hi都識咗好多年，大家都一直又係高登討論區傾計，亦有出嚟見過面
呢條Hi Hi喺高登討論區係一個名人，阿sir如果有需要你自己google佢全名就會知道佢嘅事蹟
講返部電話，話說呢條友好食懶飛又爛賭又鹹濕，佢7月中嘅時候賣曬自己啲手提電話去食飯叫雞賭
之後又成日喺討論區度話冇電話開工送外賣，一係話電話好廢成日冇電
適逢我朋友啱啱換咗新機
本來呢件事裏面依部s23u，朋友走去問過價，當時可以放到三千蚊左右
但我朋友就比較忠孝善良唔太計較
見佢咁慘，惻隱之心起就諗住送咗呢部電話畀條友用，等佢有冇好啲嘅電話開工
但我朋友另一方面亦都好擔心佢拎咗部電話後就會攞去賣咗佢，攞嚟食飯叫雞賭錢
所以就喺討論區裏面白紙黑字講明，部電話我係借畀你用，如果一年內部電話仍然現在冇賣出，你下年同一日影返部電話同個imei畀我睇，我就唔使你還機
如果做唔到就要賠償返個電話嘅錢，3000
當時大家傾好咗之後就約咗出嚟拎咗部電話畀佢
點知條友交收完隔幾個鐘就攞咗去當舖當咗部電話，之後走去叫雞賭錢輸曬
我朋友已經好好，都仲講緊話當咗都可以未當係賣，只要佢贖得返就冇問題
但到咗上個月廿幾號，條友就上網自爆自己贖番部機再賣埋
我朋友就諗住追返佢錢，收佢2000就算
點知佢仲喺討論區度笑我朋友傻仔
我朋友先話搵我幫手追討損失
當然我朋友亦都知道佢經濟有困難，一開始係接受佢分期，目的都係想佢習慣返要工作獲取金錢
佢第一期係有還到五百蚊
但之後開始無心工作，亦都不斷喺討論區裏面賣一啲一個月至兩個月不等後找數嘅超市券
大概就係一個月後找數，賣假就係將超市券半身嘅四至六折
我朋友見佢越賣越多完全失曬控，所以早幾日叫佢提早，於今日要即時還曬尾數$1500
其實都唔係逼死佢，佢本來今日係出糧夠錢還
點知條友直接攞咗舊錢去賭到輸曬都算
仲要一直潛水唔出聲唔回應
到最後last minute上水打咗一句唔還輸曬又繼續潛水
我先會浪費時間上嚟搵佢問下佢想點解決
其實我哋一直係畀緊機會佢
佢呢個人本來已經有兩單案底，一單仲緩刑緊，另外早兩個月又有一單詐騙案有你哋便衣同事上去搵過佢叫佢解決
啱啱上面講嗰啲期貨超市券，佢9月26號要找一萬二千五百蚊超市券
同佢買超市勸嘅人，都係高登討論區裏面其他網友，大家都叫做認識嘅
佢今日唔講點樣解決我而家呢一單，後續啲網友都肯定會走曬數
而佢就肯定會去坐監
其實我今日想你搵佢其實都已經係畀緊最後一次機會佢
我朋友可以其實直接去報警
以上資訊量太大，沙展聽到O哂嘴搖哂頭，之後focus返喺今日呢單求警協助到
就話你會唔會同佢協商點解決
之後就係去到尋晚我講嘅，三個阿蛇望住佢一個油頭油面懵眼猥瑣死肥閪嘅畫面
