今晚《東張西望》報道，團隊於本月中曾向「Opatra London」元朗分店放蛇，踢爆其不良銷售手法，亦訪問了一名前員工披露營運內幕。
前員工披露不良銷售戰術
東張主持梁敏巧，訪問了一名曾於數年前於「Opatra London」當銷售員的前員工阿May，她直指「呢度啲Sales個個都唔係想服務顧客，佢只係想要顧客嘅錢」，並指出他們因為「孭住」每日「數十萬數」，故此會無所不用其極的向顧客推銷，務求榨乾顧客的一分一毫。阿May指出，這間公司有一套固定戰術去推銷：「佢哋每一次Sale嘢都係用同一招」，方法就是先找來本地的銷售員，用送Sample的方法釣客進店，若發覺對方有本事消費，就會出動外籍的高級Sales或經理，表示會私人給予極高的折扣，到這時本地銷售員就會配合演戲，表示：「你真係畀呢個折扣個客？」，令潛在顧客以為自己好着數，而貪便宜購買。
前員工怒斥冇人性
阿May表示：「喺呢度做Sales，根本係冇人性、埋沒自己威心，佢哋不擇手段，我知道佢哋試過碌咗一個阿婆60萬，而佢哋嘅Top Sales，月入可以去到30萬，一般嘅銷售員，都有10萬開外月薪，佢哋做幾年就可以買樓」。而阿May因為不欲同流合污、不值這班前同事所為，故此決定辭職。
東張團隊放蛇
東張團隊於本月13日，曾派一男一女同事假扮夫婦到元朗分店放蛇，他們旋即被本地女銷售員拉進店內，向他們推銷近萬元的護膚品，到顧客猶豫時，外簡經理就出場，表示會給予高折扣，再配合送多樣物品，只需7千多元就可購得約1.4萬物品。期間經理又以英語盛讚東張男放患員的銀包好靚，據阿May指，原來這個亦是絕招，務求顧客放低戒心，下一步就哄顧客由銀包中取出信用卡。阿May之後補充，「Opatra London」的香港分店裝修都花盡心思呃人，而員工亦被指示，會帶潛在顧客到店舖的盡頭，之後再用兩名員工在對方背後擋住，務求顧客被困於店舖中，之後乖乖消費。
東張踢爆其他不良美容店
「Opatra London」的香港分店暫時不再營業，但東張團隊發現，有其他美容用品公司，都採用接近的方式經營，東張團隊疑似跟相關公司員工發生衝突，明晚節目將會詳細報道。
片：
https://www.threads.com/@kfccoffee/post/DcbEbuOAeC2
