真係唔知噏乜。
有無高人可以指教一下？
【殺破狼格】
成格
【紫府廉武相格】
成格，但力道中等
【昌曲夾命格】
弱成格
【祿馬交馳格】
弱成格
【君臣慶會格】
僅具格局傾向
【武貪格】
僅具格局傾向
【火貪 / 鈴貪格】
僅具格局傾向
殺破狼：指七殺、破軍、貪狼三粒星
因為斗數排盤有一定規矩，所以佢地三粒野會於互相隔120度宮位見到對方
(同宮影響力最強，180度次之，120再次之，但仍然唔弱)
殺破狼格局係指，你命宮、官祿宮同財帛宮見到佢地，而呢三粒星係分別代表住將軍(殺)、消耗(破軍)、欲望(貪狼)，即係話你人生變化劇烈咁解，但本身無話一定好或者唔好，要睇你命盤組合而定，例如你七殺係落左入午位，咁就係「英星入廟」(代表事業有成，掌握威權)，所以殺破狼格其實問題唔大
紫府廉武相：指紫微、天府、廉貞、武曲、天相呢五粒星，位於命宮、官祿宮同財帛宮
同上面一樣，要睇粒星落左去邊個地支宮位，例如紫微天府落左子位就普通，但丑位就比較好等等
惟一唔同係，紫府廉武相大致上比較穩定，唔似殺破狼格波動咁大
值得注意既係，紫微獨坐午位的話係「極向離明格」，即係富貴命
昌曲夾命：你命宮左邊同右邊分別有文昌同文曲，主學業順利同聰明機智
祿馬交馳：祿即係錢，馬即係移動，意思係，你祿存同天馬位於同一宮，咁只要你肯郁，錢就會自動黎搵你，適合去外地發展或者經商
君臣慶會：紫微同左輔或者右弼位於同一宮，即係話貴人運比較強，去到咩地方都有人支持你或者幫助你
注意，如果夫妻宮入面有左輔或者右弼，代表可能有情敵出現，小心
武貪/火貪/鈴貪：忽然發財咁解，貪狼=欲望，以古代重視安穩既傳統價值觀去睇係「有毒」，火星鈴星呢D係煞星(火星=突發危機，鈴星=慢性危機)，所以同樣被視為「有毒」，當火星或者鈴星，同貪狼同宮，咁就會變左「以毒攻毒」，反而會令命主於危機中得到意外之財。至於武曲星，本身就已經係指正財，即係常規渠道(例如返工)賺到既錢，而貪狼係代表偏財(非法手段或者炒股、賭博等渠道得來，總之唔係憑努力)，所以武貪格係指正財偏財都強勁咁解
