美國喺今屆世界盃16強止步，但依然獲得1,500萬美元（約1.17億港元）嘅賽事獎金，不過落場嘅球員最終只係分到600萬美元（約4,680萬港元），原來美國足協嘅「男女同酬」協議規定下，今次出戰世盃嘅美國男足球員，最終只分到一半獎金，而另外600萬美元會落入冇份踢今屆賽事嘅女足球員手中。
根據美國足協（USSF）喺2022年簽訂嘅集體勞資協議（CBA），獎金分配有嚴格程序。首先，足協會從總獎金中抽起20%（即300萬美元），作為青訓發展同營運資金。扣除呢筆錢後，剩餘嘅1,200萬美元會由男足（USMNT）同女足（USWNT）球員平均分配，即係男足同女足各自分到600萬美元。
呢個安排源於美國足協為解決長期存在嘅性別薪資差距，喺2022年達成「同酬協議」，協議規定，
無論男足定女足出戰世界盃，所獲得嘅總獎金都會撥入同一個獎金池，經扣除足協分成後由兩隊均分。換言之，將來美國女足喺女足世界盃贏得獎金，男足球員同樣可以分到一半。好公平啊
上屆女足世界盃美國隊以第3名完成獲得187萬美元，仍遠低於男隊在16強出局的獎金。
