晚餐：尖沙咀巴基之味，咖喱放題，$150免加一兼唔限時

老闆非常熱心，一坐低就問係咪第一次，係就同你講解餐牌。十幾款咖喱分咗5個set，每個set包3款咖喱，但老闆話只係參考，其實可以任嗌

落完柯打好快就上咗甜品maja blanca同咖喱粟米湯。甜品似奶凍，微甜，上面啲香料增添咗啲南亞風味；個湯辣中帶甜，比預期好飲



等咗一陣就上埋前菜、主食同咖喱。一細碗飯、約十塊薄餅，已經夠送好多咖喱，萬一唔夠亦可以添

前菜同飯正正常常，薄餅最好食，有淡淡嘅麥味同牛油香，表面少少焦脆，餅身偏薄但仍然有咬口，蘸咖喱一流

咖喱揀咗牛、蘿蔔同茄子，前者比較稀同淡，後兩者就好杰，亦濃味好多。茄子嘅咖喱最辣，蘿蔔咖喱就帶啲蘿蔔嘅甜味，蘿蔔又冇渣，我最鍾意

最後牛添咗一次，茄子同蘿蔔各添咗兩次。雖然每次都細細碟，食晒都好飽吓



跟餐仲有一杯熱奶茶同一枝mango lassi。奶茶茶味唔重，但好順滑；mango lassi濃稠，甜啲就更好

老闆同員工都好好招呼，不時主動幫你加水、問你添唔添飯/薄餅/咖喱；尤其老闆嘅energy level簡直驚人，每嚟一檯客就熱心講解餐牌一次、時時提點員工關注客人用餐情況，真係好難唔俾老闆嘅熱誠打動

今餐嚟講嘢食算係中上，期待下次試其他款式咖喱會俾到更多驚喜；成個用餐體驗就絕對係一流，雖然公司飯堂咁嘅格局，但服務搭夠，各種配套亦見到老闆嘅體貼：餐廳訊號差所以有唔限時嘅免費WiFi、方便大家落手食薄餅所以有個洗手台，呢個價位計Hi打香港9成9餐廳，非常推薦

晚餐：尖沙咀巴基之味，咖喱放題，$150免加一兼唔限時

老闆非常熱心，一坐低就問係咪第一次，係就同你講解餐牌。十幾款咖喱分咗5個set，每個set包3款咖喱，但老闆話只係參考，其實可以任嗌

落完柯打好快就上咗甜品maja blanca同咖喱粟米湯。甜品似奶凍，微甜，上面啲香料增添咗啲南亞風味；個湯辣中帶甜，比預期好飲



等咗一陣就上埋前菜、主食同咖喱。一細碗飯、約十塊薄餅，已經夠送好多咖喱，萬一唔夠亦可以添

前菜同飯正正常常，薄餅最好食，有淡淡嘅麥味同牛油香，表面少少焦脆，餅身偏薄但仍然有咬口，蘸咖喱一流

咖喱揀咗牛、蘿蔔同茄子，前者比較稀同淡，後兩者就好杰，亦濃味好多。茄子嘅咖喱最辣，蘿蔔咖喱就帶啲蘿蔔嘅甜味，蘿蔔又冇渣，我最鍾意

最後牛添咗一次，茄子同蘿蔔各添咗兩次。雖然每次都細細碟，食晒都好飽吓



跟餐仲有一杯熱奶茶同一枝mango lassi。奶茶茶味唔重，但好順滑；mango lassi濃稠，甜啲就更好

老闆同員工都好好招呼，不時主動幫你加水、問你添唔添飯/薄餅/咖喱；尤其老闆嘅energy level簡直驚人，每嚟一檯客就熱心講解餐牌一次、時時提點員工關注客人用餐情況，真係好難唔俾老闆嘅熱誠打動

今餐嚟講嘢食算係中上，期待下次試其他款式咖喱會俾到更多驚喜；成個用餐體驗就絕對係一流，雖然公司飯堂咁嘅格局，但服務搭夠，各種配套亦見到老闆嘅體貼：餐廳訊號差所以有唔限時嘅免費WiFi、方便大家落手食薄餅所以有個洗手台，呢個價位計Hi打香港9成9餐廳，非常推薦

5個set 3款咖喱係點玩
添第2次時可唔可以轉款？

點解要咁玩
拎個250蚊食一餐好既lunch buffet
食飽D食埋夜晚個份咪仲好

唔去半放題？

點解要咁玩
拎個250蚊食一餐好既lunch buffet
食飽D食埋夜晚個份咪仲好

一時興起 其實本身對任食興趣不大

一餐食埋兩餐份量唔係仲大負擔咩

5個set 3款咖喱係點玩
添第2次時可唔可以轉款？

可以跟Set A-E咁嗌，亦可以自由配搭，我嗌嗰三款都係喺唔同set抽出嚟嘅

按老闆嘅講法，添嘅時候可以轉款