啱啱依家開始離開緊個古蹟, 我覺得佢真係好煩
今日公民居民唔使畀錢入古蹟, 但係入個國家公園都係要錢, 可能總統幻免費唔係即日生效
然後佢國家公園嗰個售票處就唔係喺入口隔離嘅
喺個國家公園入口佢話完全唔可以拎膠樽入去我要即場飲曬之水揼咗佢
之後入到去原來要坐穿梭巴士先至去到唔同景點
去到古蹟嗰一站落車走去排隊睇下係咪要拎免費飛先
之後佢拎住我本護照喺度問我係咪日本人
然後佢話公民可以就咁行過去
我以為佢意思係可以就咁入去點知原來呢就係有個位要經過然後有個人會畀免費飛你
冇牌嘅
我經過專登拎住本護照佢都冇反應
之後我走去排隊入場又要再check袋, 排咗一陣過咗走去古蹟入場佢話要有飛先得
然後又要出返去拎嗰張免費飛
同時間有兩個白人鬼仔佢哋好驚訝國家公園張飛同古蹟張飛係分開嘅
仲要個售票處隔咁遠冇得一次過買曬（同埋淨係收現金）
之後入到去兜個圈去行埋之前應該未行過嘅地方就走
又熱又要冇水
同埋原來依家海草情況真係好差
古蹟自己本身係有個海灘港口完全畀死海草覆蓋, 一行近過海邊就係好大陣味
佢陣味係有毒添嘅
之後經過瑪雅燈塔行去公眾泳灘, 都依然係勁多死海草, 所以我都費事落去了
好多時都唔明點解可以安排到咁差，清清楚楚唔得嘅
![[sosad]](/faces/sosad.gif)
我覺得係因為唔同嘅政府部門唔會互相溝通
但係至少上一個有呢個兩個收費嘅地方佢兩個收銀係隔離櫃位, 買咗一張飛走咗佢會有人叫住
分開兩個部門巧立明目收兩張飛嘅原因就應該係因為古蹟收費係全國性政策, 所以特別多人去嘅古蹟佢就額外整個國家公園名號出嚟收第二張飛
佢個售票處唔係喺個入口隔離就應該係因為佢驚放個售票處喺度就會成棚人喺度塞住個入口
但係當然佢係好需要諗下點樣令呢個程序smooth啲
我已經唔係一般國際旅客
我已經係知道佢分開兩張飛去收
但係我都唔知佢咁麻煩
