係咪都係sunshine+moonlight最好
講開，係度跟linux post 識左好多以前唔識用又好好用既軟件，呢個post真有益，仲要拎好多明明唔慢既機返生
最近 hack 緊個類似 stream deck 既有熒幕 micro keypad 都學左 D 野
會唔會出個blog post講
會，寫緊，寫好會放出黎
你會唔會考慮搞個弱智級安裝打包香港人常用中文輸入法？之前爬文發覺好多香港人都係卡左呢步放棄
我都係用 ibus-table-cangjie3 ， apt install 或 套件管理器安裝都係一樣咁做
究竟係咩原因，用唔到？
因世人鐘意打包式
![[sosad]](/faces/sosad.gif)
就算寫左教學都冇用，裝完 d 設定都冇可能打包式
香港速成同筆畫都多人用，之前搵資料見好多人發現無輸入法都放棄左
就咁中文輸入法引擎簡單都有3種 (ibus, scim, fcitx5)
以我所知debian base應該就咁裝ibus最易，arch base 個ibus cangjie已經廢咗好多年, 好似係因為淘汰python2
然後如果你裝fcitx5-rime, 裝完之後又要睇你自己係用緊X11定Wayland, 兩邊都有唔同嘅設定
然後有啲distro會自動幫你做咗啲設定，有啲又要自己手動做
然後唔同DE, 有啲又有自己一套設定方法
再加埋有可能有人用flatpak裝但自己唔知，又增加咗設定難度
全部加加埋埋就搞到裝中文輸入法好似好困難咁
如果你問個新手 佢用緊咩distro，咩display server，咩desktop environment，係咪用咗flatpak裝，佢可能已經唔想同你講野
其實最大問題只係懒同搵藉口，唔係 D 咩設計同技術問題
香港人普遍淨係用速成同依賴配詞表打中文字，或手寫同語音輸入
當你可以解決到一個問題就會提出另一個問題，解決第二個問題就會提出第三個問題……
咁都唔係嘅
因為中文輸入法其實都算係好基本電腦嘅功能
但要用家了解哂成個linux distro嘅運作先至裝到輸入法，個門檻又真係高咗啲
如果有埋嗰啲workflow diagram去教咩情況應該點裝，咁可能都還好
但而家都冇，要用家自己摸
摸摸下可能又唔知郁咗其他野搞到之後做啱都裝唔到，例如唔知去左邊啲奇怪位set 咗envvars但唔記得咗等等
其實唔想煩用比較多知名、多人用既 distro 用落習慣左，整玩其他 distro 就冇乜難度
我最初用 RedHat 其實都係慢慢試，跟住用學校用 Fedora 3 ，屋企用 Debian 2
之後返工用 CentOS ，屋企用 Ubuntu ，之後屋企改用 Linux Mint ，VirtualBox 試其他 distro
唔想理 command ，其實而家都有齊 GUI 安裝， AppImage 又越黎越方便，好多都只係 mouse click 就做到
Steam OS 出左之後，X 上面有一堆人第一次接觸 linux 都話桌面版冇其他人講到咁難用
