佢7月2日俾咗證明書俾你, 遲咗3日... 可能個職員都盡咗力.
你下個合約期係 7月27日開始, 你照申請工作簽證先...
俾返個延後咗嘅合約期佢哋.
佢哋可能唔知你本身喺蒙古嘅簽證到期日係幾時?
機票費用就搞掂哂簽證先, 日後再同佢哋計... 來回都係萬幾蚊?
遲咗三日係我畀佢嘅第二個deadline, 正常梗係喺蒙古搞掂最好, 同佢講咗要6月18號
去到7月2號先出到嘅原因係因為佢5月21號先去申請, 我3月27號已經交曬文件畀佢
佢本身唔知我喺蒙古嘅簽證到期日幾時, 但係我係5月19號定係5月20號同佢講我一定要6月18號之前收到先可以喺蒙古搞, 所以呢一點佢係知嘅. 反而佢喺嗰陣時未申請之前, 仲走去同我講六月中之前可以收到. 我三月尾交曬文件畀佢嘅時候問佢佢就話一個月之內可以有. 煥然之佢講嘅timeline全部遲得好交關, 我就去到五月尾已經同佢講得好清楚exactly邊一日之前要收到文件
申請工作簽證一定要親身去交表, 交表就一定要去有台灣辦事處嘅地方. 我下一次工作時間入面會去到台灣辦事處就係7月20號. 我依家距離墨西哥城接近400公裡, 嚟緊喺麥城過一晚會喺第二個方向飛得更遠. 要依家申請先就要專登飛一飛過去一日, 我嘅行程係全部好緊臭, 基本上去到東岸每一日都係去唔同嘅城市, 唔係話飛一飛返去同一日飛一飛返過去東岸只係少一日咁簡單
咁你可以話去旅行仲要啲定係搞掂佢個簽證重要啲. 對我嚟講就係旅行重要啲喇, 尤其搞掂佢個簽證唔係淨係時間問題, 就算係我要提早返去墨西哥成呢度都係有錢嘅問題
機票錢我唔覺得有咩可以同佢哋討論到. 佢哋呢度個合約係續約先會畀錢我買機票, 開始做嘢同埋離職嗰兩張機票我要自己買嘅
嚟緊要飛過去台灣嗰張機票已經係自己買, 依家無論係再買多張, 改日期, 改飛香港全部options都係變咗我承擔所有費用
除咗唔公平同埋唔想畀, 依家另一個問題係我搬咗大部分錢去墨西哥銀行戶口, 但係我提款卡過咗期. 兩間銀行都話我要拎新嘅提款卡要有選民證, 月頭申請咗依家睇緊有冇機會月尾攞到選民證.
去到台灣好多嘢都要再買過, 搬出去住亦都要即刻有現金可以去畀埋按金. 喺我攞唔到銀行入面嘅錢嘅情況之下飛過去, 我頭兩個月就可能基本上冇錢用
