kyivindependent.com/its-nato-agreed-intelligence-german-army-chief-warns-russia-will-be-prepared-to-attack-nato-by-2029/德國聯邦國防軍作戰司令部負責人Freuding中將喺6月11日刊登嘅《Politico》訪問中表示，俄羅斯將喺2029年前準備好「入侵一個北約成員國」弗羅伊丁嘅言論係西方領袖同國防官員近年一連串愈來愈強烈警告嘅最新例子，佢哋都對俄羅斯構成嘅威脅，以及歐洲目前準備不足嘅情況表示憂慮

弗羅伊丁向Politico表示：「全部32個北約成員國都同意，俄羅斯可能喺2029年具備入侵一個北約成員國嘅能力。2029唔係德國自己定出嚟嘅時間表，而係北約一致認可嘅情報評估。」佢仲警告，攻擊甚至有可能更早發生。呢項評估同6月10日由丹麥公共廣播機構 DR 及其他媒體發表嘅聯合調查結果大致一致。調查引述未具名嘅北歐情報部門主管及高級軍官指出，俄羅斯正擴大其喺芬蘭、挪威及波羅的海國家邊境附近嘅軍事部署。有關官員重申類似警告，認為喺未來一至三年內，俄羅斯發動攻擊嘅威脅將會係歐洲面對最大嘅安全挑戰，因為儘管俄軍喺烏克蘭戰場遇到困難，但歐洲各國仍然處於提升自身軍事能力嘅過程之中。每日電訊喺6月11日刊登咗經地理定位核實嘅衛星圖片，顯示據報位於北約邊境附近嘅俄羅斯軍事設施。弗羅伊丁表示：「作為德國陸軍，我哋必須每日提升今晚就能作戰嘅能力。」佢警告德軍需要採取「過渡性方案」，以填補目前軍事準備方面嘅不足。「時間至關重要。」佢補充道

自俄羅斯全面入侵烏克蘭以來，歐洲各國已大幅增加國防開支，而歐盟委員會亦建議喺下一個七年預算週期內，將國防支出增加至目前嘅五倍。不過，各國官員對於究竟需要投入幾多資源，先足以抵禦一支經歷實戰考驗嘅俄軍進攻，仍然存在分歧。同日，英國防大臣辭職，並指責首相未供足夠資源加強英國防衛能力

自美國總統特朗普展開第二個任期以來，北約對潛在俄羅斯攻擊嘅集體回應能力亦受到質疑。部分歐洲官員擔心，如果有成員國觸發北約第五條共同防禦條款，美國未必一定會介入。《華爾街日報》4月曾報道，特朗普政府正考慮一項提案，撤走駐紮喺部分北約成員國嘅美軍，理由係呢啲國家喺美國及以色列嘅戰爭行動中未有提供協助。5月中旬，烏總亦警告，俄羅斯可能利用白俄羅斯領土，向鄰近嘅北約成員國發動攻擊。位於波蘭同立陶宛交界、連接白俄羅斯同俄羅斯加里寧格勒飛地之間、闊約70公里嘅蘇瓦烏基走廊，長期被視為北約東翼防線其中一個最脆弱嘅地區