香港D小朋友壓力真係大到痴線
全世界得香港先會有幼稚園補習班
無既, 老董年代羅范搞出黎既痴勁線教育系統, 一直惡化到今時今既若蓮喪子, 一脈相承. 升小係世襲制, 即係你個細路聰明過愛因斯坦同 Elon Musk 都無用, 因為人地個唐氏弱智仔父母係校友, 所以佢可以直入喇沙而你個仔就大抽獎去地區廢校. 升中係呈分試, 最搞笑係有一部份比例來自於升左中學既師兄做既一份卷. 即係話如果班師兄勁做既話, 你既仔女升中又會無啦啦比人扣分.
成個系統簡單黎講就係當事人無能力決定自己命運, 你點努力都無用, 永遠有一部份決定權係人地果度, 即係等住比人玩.
你唔想玩呢個遊戲, 一係就出世果一刻開始內卷, 所以一條龍學校既競爭係腥風血雨打崩頭, 直資又係咁, 或者你好向左走向右走有錢入國際學校.
老董年代到而家 30 年, 都唔知幾多香港家庭因為教育同升學問題搞到真正家破人亡, 跳樓又有, 離婚又有.
香港/東亞社會唔容許弱者
天生庸碌真係非一般痛苦
庸碌就要好好接受現實, 自己冇本事但又要生仔望子成龍
![[sosad]](/faces/sosad.gif)
其實唔關庸碌事. 父母係校友既, 你個仔訓係度都入到名校. 你無背景關係, 你幾勤力都無用. 呢個無力感先最慘.
但好多家長唔認命, 覺得香港仲係天道酬勤, 努力有回報, 以為自己既失敗只係來自於自己. 好多老母老豆都係咁, 揼好多資源同錢谷個仔女, 見到投資無應得既回報就家嘈屋閉. 最慘係 d 仔女, 有時候升學同搵工一樣, 唔係你做齊哂所有野就一定得, 世事邊有咁簡單.
