【旅行團 / 自由行】傳統旅行團模式千篇一律，不少港人現時會更傾向選擇自由行，選擇更適合自己偏好的旅行路線；然而，日前有港男在Threads發帖，稱見到一間旅行社內有不少客人抱團，店外也有多名途人駐足了解，他驚呼「依家先知（旅行團）仲有得做」。
旅行團｜網民熱議5大優勢建議 1情況跟團最啱
網民看過帖文後議論紛紛，留言分享選擇旅行團有5大優勢，包括價格優惠頗多、安全、省心便捷以及避免矛盾，其中，有網民建議，如與家人（長者、小朋友）一齊家庭旅行，一定要選擇跟旅行團：
價格實惠：有網民表示，旅行團的價格相較自己預訂，花費相差甚遠，相當優惠，「年頭去首爾$1,099 5日，自己book機票酒店都book唔到呢個價」、「跟團真係平過自由行好多」。
安全：有人提到，如若旅行目的地治安相對較差，那麼跟旅行團會更有保障，「講真，有啲地方呢我係寧願跟旅行團好過自由行，例如埃及，純粹我覺得個治安太差，跟團好似有保障」、「有啲地方冇辦法自由行，好似埃及、南非、印度都係跟團好啲」。
便捷省心：旅行團全程服務，無需旅客自行做計劃及攻略，旅行中的服務也周到，「想唔用腦又懶，又或者幾日去幾個地方嗰陣跟團都唔錯」、「好多中老年仲係鍾意跟團，一係鍾意唔使煩，一係就地方偏僻唔想搵資料」。
避免矛盾：尤其是家庭旅行時，報旅行團能夠「風險轉移」，減少親人間的摩擦，「你太年輕了，同屋企人及親友一齊去旅行，一定要跟團，有咩出錯領隊同導遊可以做出氣袋，你自己帶屋企人自遊行，你就係個個出氣袋」、「老人家嗰輩係鍾意跟團，唔洗煩，後生同父母去都係跟團著數啲，閙交風險轉移」、「老人家跟團好處多過自由行，跟團衰咗佢會同人講都係個旅行團幾衰，自由行衰咗佢會同人講佢仔、女、新抱、女婿幾衰」。
