ming.cho9990 > 將軍澳 4天
各位將軍澳街坊,想請大家幫幫手留意,同埋一定要提醒身邊嘅屋企人(特別是長輩)出街小心財物!
我屋企人喺尋日(星期一)朝早大約9:00左右,由坑口屋企出發,經過坑口地鐵站, 行去將軍澳運動場。點知一去到運動場,就發現自己個背囊俾人拉開咗,入面個銀包已經不翼而飛,好大機會係喺呢段路程中,懷疑係等紅綠燈期間一時唔留神,俾啲專業扒手打荷包偷走咗。
最恐怖嘅係,我屋企人個銀包被偷之後短短半個鐘內,佢張信用卡竟然已經喺日本一間高級餐廳,俾人瘋狂狂碌咗筆非常大額嘅卡數!
銀行覆我哋話對方係face to face交易。但當時我屋企人明明喺將軍澳,張卡點飛去日本?
後來上網查返,原來而家有大型跨國犯罪集團,前線專門喺我哋呢啲住宅區小商場/街度偷卡,賊人涵洞夥就喺日本將信用卡加落手機apple pay/ google pay入面進行交易
想請各位街坊幫幫手,目前我哋已經報咗警如果你當時行過呢段路,有留意到身邊有咩可疑人士、或者你揸車經過嘅車 Cam 咁啱影到當時情況,懇請借段片一用
事件其後爆出更詭異的轉折,樓主起底涉事餐廳後發現:「最奇怪係啱啱查到呢間餐廳,星期一全日休息(我屋企人被偷銀包碌卡嘅日子係星期一),但係唔開門,都可以面對面拍到舖頭信用卡機做交易,覺得間餐廳有啲可疑......」
睇完偷信用卡那新聞，日本事發果間乜向左走向右走餐廳黎
![[sosad]](/faces/sosad.gif)
