《IT狗2.0》的大膽、洞見、深度
1.《IT狗2.0》由一開始已狂玩inside joke，要挑戰觀眾對網絡文化、電影、大台文化種種認知，先笑得出。呢個對商業製作而言係非常大膽之舉，但正因為佢係劇集（如果電影咁玩一定被老闆ban），可以儲粉絲、慢慢煲討論，令佢呢個大膽之舉可以成功。
2.劇集早於1、2年前寫好，當時AI話題都完全未有人深究。但去到今時今日播，竟然貼近，甚至超越現有嘅AI討論，團隊嘅洞見令人驚訝。
3.有人批評，《IT狗2.0》一開始一味搞gag，冇主線。呢個都係事實，佢非常依賴gag去勾住觀眾，再慢慢咁逐條副線鋪排。而主線嘅阿信遭遇，遠不及上季明顯。直到去結局篇，劇情先開始「收線」，喜劇轉調，由阿信同過往朋友、敵人重遇，而將主線推至想講嘅主題（友情、人類智慧vs AI、對世界變好嘅渴望等），展現出無比深度。
簡君晋導演喺一個最新訪問講，佢對香港嘅影視充滿希望，因為人類會更渴求睇唔係AI嘅作品。我認為有佢加上佢嘅鐵三角（李卓風、唐翠萍）編劇團隊，我都見到希望~
2.0其實係一個收尾作，交代1.0所有角色有d就從良有d就加入勇者隊
其實你甩左條AI主線淨係瞓睇1.0同亂入角色都可以夠頂住12集
我真係唔介意2.0係返炒搞gag 胡鬧咁演落去 始終大家想睇係BornHub入面角色互動而唔係要聽咩大道理
套劇當然有嘗試加入某d位引觀眾思考，只係流於表面 作為一套輕鬆劇亦都未必合適
至於所謂AI就更加hea 一個猜想就交代George已經進化到神級 其實Ai係幾適合低成本製作，一把聲就可以包山包海 可惜編劇只係平面代處理George，借Ai去帶大家去個final stage。
電影「Her」係一個好好嘅參考 點樣用一把聲演活一個Ai智能
