10個細路最少有3個被扣上隱性白咭帽
太多無中生有嘅病，自閉，過渡活躍，專注力失調，言語障礙，adhd ，思覺失調，情緒病…以前邊有呢d病
客觀咁講, 以前好多人對呢 d 病無認識, 以為個細路只係唔聽話, 教極唔識, 蠢, 有病都唔知, 又無介入治療. 最簡單讀寫障礙, 班細路智力無問題, 但真係認唔到字, 其實係有方法幫佢地, 以前就會 miss 左, 係會影響細路學習同發展既.
咁而家當然又有少少 over diagnosis, 少少事就當個細路 ADHD, 有 d 痴線家長直頭想個細路仔有病, 因為 diagnose 左就可以食專注藥, 以為有 magic bullet 解決哂所有教仔煩惱. 坊間又多左好多所謂兒童專家, 賺細路同家長錢永遠最容易, 其實都係有供有求.
tl dr 好多病其實一向都有, 無病既細路比人 label 左有病就唔太好, 但真係有病既比人屈係扮病都係慘, 有疑問最好都係搵專業人士評估.
