ZZZ 38集
CODE終人散~
大老師真係好有文彩，寫到啲特工入木三分，四分五裂，六親無靠。
CODE嘅超級無敵大陰謀前面鋪咗成37集，然後就喺今集入面一下子解決晒lol
-5號之死
如果ZZZ喺搵個正常人寫嘅話，佢肯定會由前期開始認真咁鋪墊5號嘅過去同背景，講佢點樣由最初嘅愚忠逐漸發現組織嘅黑暗面，發現自己嘅人生被組織操控，佢哋視特工位即棄品，自己終有一日會同佢哋落得同樣結局，於是決定反抗，最後為咗令組織重歸正道而殉道。
但呢套係大老師嘅作品，最後佢以極草率嘅方式被人炸到粉身碎骨，連最後一次變身嘅機會都冇，不幸中嘅大幸係呢個角色雖然以極不體面嘅方式退場，但總算始終如一咁退場。
同類成功嘅例子可以建議參考人狼三部曲。
-3號之死
同樣以草率嘅方式退場，呢集反而突出佢事事親力親為嘅一面，明明CODE已經成功用Somnia統一人類嘅夢境，大大個組織面對想揭露真相嘅差佬居然要3號親身落場解決佢，最後CODE嘅黑暗面求其歸咎落佢到，佢一死CODE就原地洗白，司令無需再為自己負責任。
3號死到好似中咗岸邊露伴嘅替身攻擊咁，個畫面幾好笑，哈哈…
隨住3，5同6號嘅死Lord Invoker呢件玩具已經失去用武之地，太犀利了，雖然件嘢嘅音效上面係有啲限制，但套嘢仲未做完就直接將件玩具Ban埋。
反觀Build嗰邊Sclash Driver可以用到大結局，Geats條Vision Driver可以撐到TV後套TTFC，Gavv把Valen Buster同巴力槍可以由頭用到落尾，更過份喺前一兩日先公佈嚟緊會出3，5同6號嘅Goods，然後今日佢哋全部死晒，呢頭賣嘢嗰頭整死曬佢哋，何意味==?
-東莞仔
到底呢個世界上有咩人知道呢個角色到底想表達啲咩?
呢集突然話佢克服咗過去，有個咩深層心理，求其收服完隻魔魘就有新強化，之後親手打低同自己無仇無緣嘅3號，成個角色都不知所云，每次出嚟嘅時間短到連個杯麵都淥唔熟，每到某個集數個角色就會人格切換，成個角色薄弱過1蚊銀，無背景無動機無描寫，真心佩服啲人點解可以睇到咁多嘢，然後為佢寫出篇幅接近中篇小說嘅感想出嚟，點解佢哋嘅解讀力唔喺讀書嗰陣發揮出嚟？
睇到呢集我先知原來係想靠呢條友寫咩光同暗，為咗背負一切而主動擁抱黑夜，由頭黑到腳嘅角色話佢心中有光就立即洗白，果然係悠也主義，可以無中生有，反黑為白，呢10年嘅拉打廚真係好有福！
-Cut 歌
今集首插曲播到最重要嘅位無啦啦俾人Cut咗，然後插返自己啲OST落去，？？？？？？？？？？？？？？？？
完全唔知背景嘅意義係咩，老實講好唔尊重Artisi同班staff ，我幾鍾意Royz的，已經loop緊首歌，多謝ZZZ 製作組，佢哋絕對係史上最好心地嘅製作組。
