睇到1999
呢d GAME 你個團統率力夠快, 兵貴神速就一定上風?
睇落去好似係惡人夠兵力又快手先搶贏
我都睇唔明
有好多人喺舊服走去新服到做25仔玩離間計 (堆25仔原本喺爆機,宜家入哂 "一步","諸葛";另外有一堆係喺 "種田",宜家入哂 "諸葛")
爆機盟入面起碼有十幾個25仔,一直pm俾爆機盟堆人講爆機壞話,又架空哂高層外交部同 "一步" 傾好哂野而達哥唔知
以往攻城起碼早一日通知等大家行去集合(因為有遠有近又要等回氣)後尾堆25高層直程早半日先出信通知大家,令大家疲於奔命,令到下面堆人感覺管理層混亂,再乘機撬走一堆人/高戰玩家去 "一步" (宜家堆25仔已經全部入哂 "一步")
本來 "爆機" 安排好哂要打西安,堆25仔突然叫三個盟一齊合作打九江港關口 (因為 "一步" 唔夠打,同埋通常打關口係各有各打,因為羸家只可以係其中一個盟,如果一邊羸左,另外兩邊會變左白出力又冇獎勵)
第二次直播三國志嗰晚,直播 "惡人谷","一步" 搶上洛,最後俾 "一步" 偷雞執尾刀贏左返黎
(直播嗰晚達哥唔舒服要早休息,有堆人乘機喺discord群搧風點火想搞內亂,後尾俾達哥捉哂出黎發現係25仔,踢走哂)
之後 "惡人谷" 想返黎搶返,但係 "一步" 淨係想自己攬哂自己去打,因為上洛冇機場,變左爆機同 "諸葛" 班人就算去到,都唔可以即刻回士氣去打仗,後尾 "一步" 咪俾人打輸左,跟住大家就嘈交點解 "一步" 唔起機場出黎俾大家一齊守,呢度之後開始同 "一步" 交惡
(結衣bb未寫第二篇去巴哈,我講下後面咩事)
因為發現左有25仔滲入,爆機同其他友盟解除哂友好關係
21號星期日嗰日要打碼頭,對面係 "一步",爆機唔夠打,達哥走去求其他盟一齊幫手打碼頭,有個盟叫 "種田" 應承左幫手,跟住佢地同 "爆機" 結左友盟,話 15:30 一齊去合攻碼頭,點知佢地堆兵黎哂唔郁,"爆機" 就話咁自己打住先啦,結果打左成個鐘,"種田" 堆人都仲係唔郁,後尾打左個半鐘,"爆機" 打唔掂敗走左,同晚 22:xx/23:xx "種田" 自己本身有個碼頭,俾 "一步" 前後夾攻打爆左,"種田" 個盟一齊解散埋,解散左之後,有人爆料 "種田" 嘅人係 "諸葛" 嘅人,即係話個盟都已經有好多 "諸葛" 25滲入左 "種田" 搞內亂
希望咁寫大家會易明少少,因為好多人睇完結衣篇野都唔太明咁
![[sosad]](/faces/sosad.gif)
