依個黑洞係文明儲存資訊o既地方,點解都當係一個文明
Sorry 有 D 睇唔明依part
係宇宙文明層面黎睇，一個文明並唔係單純由生物體黎盛載，佢o既造物本身都可以係一個文明。
文明包含宗教、文化、科技、歷史等等，呢個黑洞由某文明o既資料庫演變而成，資料庫本身就盛載住該文明o既野，就好似人類o既人工智能「意識」咁。弱如人類都有類人o既智能造物，果個文明o既資料庫o既智能點都唔會比「意識」低，即係除左單純資訊存取o既功能，呢個資料庫可以視作一個智能生命體，佢會自我保護、避開/殺死敵人、自我維修。
(非專業，求指教)現時物理學界有說法係物體墮入黑洞，本身攜帶o既資訊唔會消失，而係會留係黑洞表面。資訊亦可能隨著黑洞蒸發而釋出。由於呢個高等文明最初係以能量方式將資訊放入恆星，當初佢地應該都會意識到恆星最終會變成黑洞繼而蒸發，或者佢地早就預計到呢個情況，資訊可能會有後續方式保留，重新「活」過黎。
星際聯盟班友未有能力解讀到呢個黑洞，所以先會放埋入候選名單。
