(前提如果你冇作故仔)
認真答你；宜家攤左牌，大家點都冇可能返返同以前咁，呢樣野一定既，你要堅強d接受左呢個現實先，接受會即將冇左呢個十年fd既預設事實，然後先可以不受動搖咁考慮你同佢之間。
轉gay唔係高登仔睇熱鬧咁話轉就轉，唔係點會有咁多真gay都過唔到心理關口而要同返女人結婚正常組織家庭。
同埋你要諗清楚，作為伴侶你又能夠俾到咩對方，而唔係一味依賴，你宜家係一路都鍾意同佢傾訴，咁睇黎係對方做人處世強硬而堅定過你，所以你會被佢吸引；但相對上，如果將來關係轉成情侶，你覺得你能唔能夠平等對待對方，而唔係好似宜家咁在精神上依賴佢，甚至被動搖到因為唔想失去精神支柱而想轉gay來挽留 (根據你字面意思，覺得你係咁，你根本唔能夠一時三刻決定到，但唔想拖佢想給出答覆，所以想應承)
佢叫你諗清楚係?的；你係需要諗清楚，太快開始未必好；我覺得你應該堅定地抽離一段時間，但重點係你點表達呢點俾佢聽，而令佢唔好誤解你係因為驚冇fd做而勉強自己去轉gay or以諗清楚為理由而拖住佢——想冷靜下係因為你真係想在大家以情侶關係為前提下，抽身少少睇件事。
我覺得對方其實都一樣係亂，所以你都要清醒少少，甚至大家打開天窗，將呢個話題深入d去探討；傾下前因後果，大膽假設下將來會遇到的所有問題同心理障礙。
你要分清楚你係咪對男人間的親密肢體動作甚至上床真係完全唔反感，因為有d直仔真係一諗起同男人上床就噁心的，所以佢地永遠不能變gay；有d人覺得一試無妨，比想像中好or差之類，你既接受度到邊真係得你自己先知。無謂開始左先知原來你接受唔到同男人上床。
首先多謝左巴打咁認真答我先
事實上我真係發覺自己未可以接受,我岩岩去睇男同男既av覺得好嘔心
我諗上床既事真係唔岩我,連錫都唔多接受到
拖手攬下其實都還可以接受, 而家我覺得自己係太依賴佢所以先應承左佢,傾開前因後果,佢幫我地之間諗左好多,可能佢之前已經有少少經驗
眼見其他情侶可以拖手我真係好羨慕
其實我真係無怪高登仔,但認真你地會唔會歧視hehe？
