[
可正而家無承擔咩？可正唔係以大局為重咩？我就係唔明點解唔肯係番埋一齊。
薛可正一日未真正明白, 始終問題都係會再浮返出黎，咩問題？自我中心？可正其實好多野都係以娜行先，可正想以娜留低亦正常不過，但去到尾依然只係默默等以娜。
反觀以娜，佢以family goes first。呢個無問題，仲好好添，但佢又好照顧可正一家，又好似好有骨氣咁拒絕可正金錢上既幫助，但又幫可正處理公司既野，對可正及佢屋企人好，表面上比好多希望可正，做晒好多女朋友先應該做既野，但又暗瓦底唔向左走向右走同可正係番埋一齊，其實佢想點？可正唔改唔一齊番就話合情合理姐，改晒又唔一齊，咁想點？
其實薛可正係經歷左同可勇反面, 同埋以娜&王力維提出佢既缺點之後, 薛可正先開始注意到呢個問題, 心態上先開始有變化. 佢係有為其他人諗, 但唔係由當事人角度出發, 而係將自己諗法套諗他人身上
等於兩公婆相處,
老公鍾意食雞肶, 食親雞都夾雞肶比老婆食, 自以為將自己認為最好既野比左老婆老婆就會好開心, 但從來無問過, 甚至無留意過, 老婆係鍾意食雞胸既. 呢點正哥都有用炒牛河比老母食黎做例子
照顧可正一家, 好似好有骨氣咁拒絕可正金錢上既幫助, 幫可正處理公司既野，對可正及佢屋企人好, 以上既野根本拉唔埋一齊黎講.
對薛可正家人好, 另一方面睇, 係咪一定關薛可正事呢? 以娜同佢地不嬲感情好, 即使無同薛可正一齊, 亦唔見得對佢家人好係踩過界
幫薛可正處理公司野, 對自己鍾意既人好, 各方面因素容許之下(當時以娜準備返英國)幫得就幫, 有咩問題? 以娜其實都有講過, 佢唔可以掉低佢屋人留0係香港, 同樣亦都無可能要求薛可正放棄哂所有野去英國同佢一齊.
至於所謂暗瓦底, 唔好意思我唔係好明. 簡單d咁講, 做左好多女朋友會做既野, 唔等於要0係返埋一齊. 按而家既劇情, 我地讀者角度會知, 但其實以娜都未知薛可正係咪有真正改過.
即使到最後兩個真係無再一齊返, 有時感情既野, 過唔理自己心理關口就係過唔到, 唔係好似打機咁儲齊道具就爆得機, 唔一齊返, 真係唔需要任何理由.
