去到Jenny Bakery, 我地就買左盒8mix, 同兩枝佢地自制菠蘿汁,
我地就去左正灘個面坐, 坐低之後佢見我咁頹, 主動就餵我食餅,
同我講
: 唔好再咁惡死既樣啦..我好驚呀....食左好笑返啦, 乖呀!
: 哦......
: 笑呀, 笑!!我餵你食, 呀!!
甜品果然係一樣會令人開心返既野..加上有咁既女朋友餵我食, 當時我心情都好返D
值得一提就係枝菠蘿汁真係好正斗
好清
食食下, 佢放底個盒就同我講
: 傻仔, 我準備好啦, 你同我講發生咩事啦
: 其實, 我同你正式一齊之前...同陳寶蓮有D曖昧關係
: 估到..繼續
: 我2年前辜負過佢..拍左拖5人就失左蹤, 佢等足我兩年, 而且為左我唔讀書,
係我之前做個間吧做拳手, 為既只係日日等我, 而且寫左幾封信比我, 但係當我去迪士尼個時,
竟然唔認得佢, 我發誓, 我真係唔認得佢先搵佢黎扮我未婚妻, 當時我重未知佢係2年前既陳寶蓮,
而當我知佢係2年前既大頭妹, 我有主動想同佢一齊返, 但佢知道我真正既係鍾意你,
對佢只係出自補償, 佢就同我講話同我做普通朋友, 不過佢見我同你真正開始,
佢就開始好古怪, 係Facebook post d好慘既歌, 加上我無聽佢電話同sms,
佢開始半人間蒸發.......唔聽我電話,
Blue..我今日約左佢放工同佢講清楚..........
當時佢眼濕濕, 就問我..
: 咁你叫我黎係做咩....
: 我黎係想你比你知呢件事, 而且想你陪我一齊見佢,
首先我要比你知道我係黎見佢講清楚, 唔想你亂諗, 以為我同佢做D乜野
其次, 就係想你同我一齊見佢...你可以揀同我一齊去, 又或者返屋企...
: 傻仔呀.........我好多謝你同我坦白, 我會相信你.....但係我唔去啦...我唔想陳寶蓮唔開心...放心啦, 我會信你架.........
: 但係..........
: 聽我話...OK? 同埋應承我一樣野.........
佢要我應承既野, 我相信任何一個女仔都做唔到................
