張相, 我放左係我銀包度, 而廚房傳黎煎緊野既聲音, 唔通Uncle係入面煮野比我食?
![[369]](/faces/369.gif)
今次真係做人老豆甚耕難, 重要煮埋野食比我食
行到去廚房度, 見到有個毛巾扎實頭髮, 帶住圍群既女士係度
咦喂, 唔係人地老母都出埋呀?
"Auntie, 唔好意思呀..我叫做....."
之後Auntie急速轉身, 之後一個鑊剷飛埋我度
咦, 乜Auntie個樣咁似阿Blue既? 睇清楚d...真係阿Blue黎架喎
![[yipes]](/faces/yipes.gif)
大家見過自己女朋友咁樣未? 我就第一次啦
:Aun乜春tie呀!!你好掛住我媽咪咩, 你見過佢啦咩!!!!!!!!!
: 未..不過見你咁................
佢執起個鑊剷, 指住我
: 咁咩呀!!!!!!!!!!
:4個字講晒, 賢良淑德
: 即係我好師奶啦!!下嘛!!!
[ : 唔係, 我睇AV都鍾意睇人妻架
: 妖!!無黎正經, 出返去啦!!!
: 唔制, 我要攬住你煮早餐
幫你擋住晒D酒, 要彈彈我啦, 唔好彈親我BB呀
: ......................................傻仔
就係咁.....我同阿Blue就成個連體嬰咁煮左成粒鐘早餐, 最後係乜向左走向右走野都無得食既
Hi 你, 唔係講笑, 佢真係唔整整野食, 腸仔, 可以煎到黑晒
蛋, 可以唔識反
多士你識啦掛, 嘩Hi 你, 學人早餐整西多士, 話要唔用油炸, 要健康煎, 好啦好啦比你搞啦
Hi 你d油重要少過我d面油
話幫你手啦, 又話唔制, 要親手煮餐比我食,
食? 食乜向左走向右走野, 成粒鐘最食得既就係條黑過高比拜仁既廚師腸!
雖然係咁, 不過我覺得, 好幸福, 係前所未有既幸福,
我諗, 我係時侯要為佢定性..........
