|
信4, 亦都係陳寶蓮比阿龍最後既一封信, 而且, 係一封令13/4/2011依勢丹流馬尿流到Hi Hi既一封
打完呢封, 我想抖到女拳先再出
信4
老公, 重唔同我講生日快樂? 今日又係我生日, 4月4啦!!
記唔記得當時同你係後樓梯真正一齊既時侯, 你想同我"咩咩"
我唔肯, 我話最小要考驗你兩年, 等我18歲, 先比你掂呀?
你重話, 會用2年時間用你畢身既絕學, 令到我個AA cup變做C D cup, 等到18歲玩餐勁呀?
2年啦, 我守住屬於你既野兩年啦,
呢730日都有人追我, 而且有比你更好, 更優秀既人, 想追我
有錢既, 話送LV比我,
有樣既, 比古天樂更好
有情趣既, 每日做好多你唔會做既野哄我開心
不過, 我需要既淨係你, 阿龍, 同你相處個5日我唔知你係咪對我認真,
但對我黎講, 個5日係我咁耐以黎最開心既日子, 就算幾多LV, 對方幾靚仔, 點哄我開心
亦唔夠你係我身邊一秒呀............
我等厭啦........我好想憎你呀.........但我做唔到呀...........
我好討厭係間BAR日日等你, 好討厭日日有屋企唔返, 住係間有煙味既BAR等你
我唔鍾意飲酒, 但為左等你我連拳手都做埋,
媽咪話我傻, 朋友話我癲, 親戚話我比人呃,
我一直同自己講, 我唔係傻, 我係守承諾, 老公唔會呃我, 佢終有一日會返黎攬住我, 錫我
我唔係癲, 為一個自己一生最愛, 我願意放棄更好既選擇
我唔係比你呃........而係我一直呃緊自己............
老公, 我要離開你既世界啦, 我要搵返自己, 搵返陳寶蓮啦
兩年時間, 夠啦, 我地離婚啦..............
千奇唔好再同人地亂講養你一世, 你係我老婆呢D說話啦....
女仔好易信人架..........
我知你一直有睇我既信, 我知你會睇架........
最後我想同你講..........
唔好記住我, 唔好記住陳寶蓮............
|
