當我想問佢, 我係咪要好似中式個d咁, 係唔係要講話自己想測乜野,
佢又用對好和藹既微笑望住我, 佢就話
![[slick]](/faces/slick.gif)
: 黎得呢度既人多數唔會問事業架啦, 係咪想問愛情運呀阿Dee!
: 你識讀心術?點解成日估到我諗乜?
讀心術我就唔識啦, 之不過我都算有d學有所成, 當我同你有心靈接觸, 我就自然知你諗乜, 神奇呢?
:神呀, 咁揭牌啦
![[bomb]](/faces/bomb.gif)
[講明先, 我唔太記得係咪咁, 我淨係記得D牌, 代表咩現在將來過去個D我唔記得, 咁清楚, 有錯既話, 有玩開塔羅既爸打/絲打說指出]
拿, 最左手1, 4號牌就代表你關於你問題既兩個重要人物, 你張1就係一張逆位既女教皇, 佢意思係與女性朋友爭執、單相思、健康不佳, 多數我就會覺得1號係最反影到你洗牌個個既, 你呢排同女朋友分左手?
係, 但係逆位點解?
佢就反影到你對你想問既問題一直耿耿於懷, 認為有遺憾, 對你黎講你想問既事, 你好想解決, 但係一件解唔到, 第二件就埋黎, 你根本應付唔黎, 係咪?
個一刻.....我真係覺得佢好準........
