是咁的
兩條友,拎住部手提電腦
係無雨傘既情況下
見到自己要坐果架巴士埋站
但係自己重係對面馬路
你地會點?
緊係追啦Hi Hi!一陣放工時間無位tim呀Hi 你
兩條友即刻開始唔知幾多米長跑比賽
![[sosad]](/faces/sosad.gif)
幾經辛苦衝哂紅燈,終於追到,此時門己關...但係個司機唔開門俾我
但係當露露趕到既時候...個司機又開返
咩意思先...Hi
okok,我算
上到車,上到上層,露露坐左係個二人位到,咁我無理,另外坐開左..
反正唔係太熟..廢時啦..
但係當到西九果個站果陣時,有d人上車,當前面都坐滿人得返露露隔離個位果陣時,露露向我求救叫我陪佢坐
當一個中年男人打算坐落去既同時,我大叫先生先生,之後佢呆左望一望我
我都即刻坐左去露露隔離,之後話唔好意思呀我認錯人
之後露露望住窗外係到偷笑,個中年男人就啤左我一下
我就好似死狗咁係到對住個男人哈哈笑
之後就無再理個男人,反而捏露露塊面
同佢講,我幫你重係笑我,你去死啦
之後佢坐直個人,之後係我耳仔邊細細聲講....
[未婚夫緊係要幫未婚妻啦,唔通你忍心見到我係車上面俾其他中年大叔坐?嗯?]
之後又望返窗外係到哼d 好輕鬆既音樂...
但係聽到呢句對白既我...心情突然好奇怪
