朱智賢拍《3日2夜》
遭男導演要求半裸浸溫泉
當年仍屬新人
膽粗粗反問導演
「爸爸見到可能會唔鍾意
導演你都係爸爸，應該明㗎！」
惹怒導演

謝東閔回應被指曾出軌：
過去嘅事就讓他過去
大家往前看就好
希望佢以後幸福快樂

#朱智賢 與 #謝東閔 這一對去年底宣佈分手結束九年情，事隔剛好一年。最近女方因為擔任HOY訪談節目《九運會客室2 》嘉賓，接受伍詠薇、李凱賢（Brian）訪問，提及當日與黎振燁交往「我一定係做錯咗」。

在主持追問下，朱智賢首談到與黎開始前，與謝東閔感情已生變，男方背著她出軌。朱智賢稱她曾提出分手，謝苦勸留下，並多番承諾。朱智賢憶述時不禁落淚：「但結果，去到有嘢懷疑嘅時候，（搖搖頭）原來全部嘢都係假。」

「當時明明講好咗話點點點，但原來，我留低咗喇；到我有疑問、或者冇安全感嘅時候，大家會鬧交。我（被指）係有問題𠴱個囉，我係有問題𠴱個。」（相關報道link請看留言）

︱謝東閔：過去就讓他過去︱
昨日（10日）訪問播出後，《娛壹》曾聯絡朱智賢，她稱沒特別補充；謝東閔對於被指偷食在先，他回覆謂：「我其實冇咩特別要再回應。過去嘅事情，過去就讓他過去，大家往前看就好，希望佢以後幸福快樂。」

︱拍《3日2夜》
遭導演要求全裸浸溫泉︱
另朱智賢在《九運會客室2》中，也談到工作苦樂，提到14年到台南拍《#3日2夜》浸溫泉，工作人員稱需要她全裸上陣，朱問：「吓？點拍呀？」工作人員才改為半裸要求，跟她說：「你著住條泳褲（比堅尼褲仔）咪得囉！唔緊要啦，冇人嘅時候快快趣拍咗佢算啦！」伍詠薇聞言大為震驚：「吓？電視台節目嚟㗎喎！」

朱智賢攤開雙手，模仿工作人員語氣說：「佢話『拍背脊之嘛！』幾個crew都叫我拍。我當時仲好新，我就：『er…好啦…』但諗諗下唔對路，我話，就算你話拍背脊，但側少少都睇到㗎嘛！」

當時她一個新人，對住全隊crew都是男工作人員，「我問唔到人我有冇走光，我冇理由問個男士：喂，你睇唔睇到呀（走光）？」她稱有些拍攝需以比堅尼上陣，當時已感非常尷尬，最後她向導演致歉拒拍，「跟住佢哋就嬲嬲地，話，『吓？頭先講咗拍㗎嘛？做咩又唔拍呀？』」

「當時我同導演講，我話爸爸見到可能會唔鍾意，又話：『導演你都係爸爸，你應該明㗎！』佢即刻著咗！原來我呢句嘢係好衰…」最後不歡而散。朱智賢當時匿在酒店房不知如何是好，「你係一個新人，仲有好多嘢未拍，你又reject咗佢哋唔拍，唔知之後發生咩事…」

︱遇女導演無理要求︱
朱智賢續稱，另一次拍攝《3日2夜》，她需換上潛水衣上陣，裡面穿泳衣，卻遭女導演要求不要拉上胸前的拉鏈，「出到嚟先拉。」朱智賢不滿謂：「得喇，轉頭攞個胸畀你！」惟最後仍得硬着頭皮，聽從指示走到鏡頭前，幸攝影師主動開口問她為何沒拉好拉鏈，朱智賢這才如釋重負，馬上拉好拉鏈。