嗯, 呢度愈嚟愈少熟悉嘅人.
曾經覺得會「每日見到」, 原來唔代表永遠都見到,
到頭來發現唔係唔鍾意佢, 而係太愛佢.
李小明？
有啲嘢珍惜唔嚟,
只要記得自愛就可以.
佢上年十月同我嘈, 話佢明明block咗我好耐,
但我仲唔放過佢. etc.
其實我唔會知邊個block咗我.
另外佢同我嘈嘅時候, 話自己曾經幫我好多,
例如曾經私下叫高登巴打入感情台覆我post, 話因為我抑鬱.
話因為有佢幫手叫朋友, 所以先有人覆我個post到1001.
呢兩三個月好認真諗過, 已經block咗佢. total 依家 block 咗 4 個.
記得佢對我評價係︰
「可憐之人必有可恨之處」
「自卑變自大」
「死白咭」
「Hi Hi」
「討好型人格=不擇手段」
「好賭唔認輸」
「滿口歪理」
「人格黑暗」
對佢最後印象只係記得佢今年年頭, 佢見我同人嘈,
佢彈出嚟capture我13年前上嚟呻唔開心嘅post,
話我同人嘈=針對佢朋友, 然後用嗰個capture嚟對住人哋講我係白咭,
話唔駛再理我.
有啲人, 我真係珍惜唔嚟, 無種福份去接受呢段緣.
何況一個唔喺身邊嘅人.
