俗話說「談錢傷感情」，情侶同居生活需要應付日常生活的共同花銷，科學分擔開支才能令兩人的感情穩定長久。近日，有女生在Threads發帖，公開與同居男友的收入及每月的租屋使費，自己人工比對方低，卻承擔了大部分租金及養車費用，更因男方提出1要求令她十分不滿，故詢問網民情侶同居應該如何分錢，而引來熱議。

同居情侶｜男友月入$2.3萬僅付$5000

樓主透露目前月入2萬元，男友收入2.3萬元；兩人之前一直租住450呎連100至200呎花園單位，車位則使用政府咪錶，每月租金連同水電煤氣等約1萬元，當時因男友還是學生，所以每月僅承擔3,000元，即樓主承擔剩下的70%。

而近期樓主家人「叫我自己出嚟買樓」，並願意為她支付首期及資助供樓，她計劃購買約700呎村屋連200至300呎花園，以及每月1,000元的車位；而同等規格單位與市場上租金要過萬元，加上各類使費及電車的充電費用約為2,000至3,000元。

然而，投身社會工作的男友表示，因希望可以儲錢，每月僅願意承擔「租屋+水電煤就比$5,000咁樣」；樓主坦言，原本對此沒有意見，但最近一直聽到男友表示只能給父母3,000元家用，「好似Hea緊佢屋企咁，話公價嘅家用表都唔止$3,000，乜出嚟住嘅公價係$5,000咩？」

同居情侶｜公開租屋養車支出　男友言論惹不滿

樓主又提到，自己家人與男友家人住得近，「基本上每一日都係用我架車出入，咁我都冇咩所謂，我屋企去佢屋企大概5至10分鐘」但並非每次出入都能遷就相同時間，對方就表示不希望每次出街回住處都要求她。

樓主對此相當不滿，認為電車是由自己買一次過付清，「你冇幫我比過任何保險、牌費，平時我偷泊喺屋企樓下俾人鎖車嘅錢都係我自己俾，你居然話唔想每一日都要求我咁樣？咁下次換你車我囉！」

同居情侶｜網民建議分開住：住劏房都唔止$5000

帖文引來網民熱議，不少人建議樓主與男友分開住，同居需要考慮雙方的經濟能力及金錢觀念，並表示兩人均攤才是公道，勸樓主懂得保障自己，「分開住啦！拍拖啫，唔一定一齊住，叫佢返去同屋企人住啦！屋企人畀你買樓，都係想要你有個安樂窩，唔係叫你貼錢俾人」、「男朋友都係返屋企啦，其實3千定5錢佢都無可能搬到出嚟，咁都仲有怨言」、「咁計較錢就唔好一齊住」、「俾5千都少啦仲出口術想俾少啲」、「比唔到就叫佢搬返屋企有錢先一齊住」、「住劏房都唔止5,000」。