前華姐冠軍鄧佩儀（Gloria）相隔5年激罕亮相TVB，接受由王祖藍主持的旅遊節目《藍朋友·旅朋友》訪問，並親揭當年神隱真正原因，今晚（30日）的《溫哥華篇》，祖藍與太太李亞男、囡囡Gabby、Hayley及亞男妹妹，入住CP值超高度假村、體驗出海釣同埋滿地生蠔的快感外，祖藍還與太太亞男走訪了盛產華姐冠軍的The University of British Columbia校園、以及相約華姐好友鄧佩儀及港姐冠軍張嘉兒齊齊整蛋糕。
鄧佩儀在2021年拍畢劇集《換命真相》首當女主角後突然「潛水」一年半，引發大量揣測，當時外界盛傳她因演技及態度問題等遭TVB雪藏。直至2023年，Gloria在社交網「蒲頭」宣布在UBC修畢工商管理學士學位及電影製作課程，並留在當地發展。談到當年決定離港，Gloria 坦言身邊很多人都很愕然：「點解我突然之間會走呢？我嗰時嘅經理人都有打畀我。我拍完《換命真相》後，監製聲哥隔幾個月後開劇都想搵我，嗰陣我諗咗好多個鐘，我問自己，十年後我想我嘅生活係點，我發現我係想喺加拿大建立一個Family，又或者喺屋企人身邊。」
現於溫哥華任職Marketing的Gloria，坦言現時朝九晚五，放工又可以做運動兼見朋友，生活比之前開心很多：「原來人係可以開心咁多嘅。」她當年因為熱愛鍾嘉欣，年僅19歲便飛往香港參選兼拍劇發展演藝事業的Gloria，當時不但適應不了拍劇日夜巔倒的連踩生活，還適應不了拍劇熱鬧過後的孤獨感，並曾為此一再以淚洗面：「嗰時我自己一個生活，習慣完劇組好熱鬧，每次返到屋企自己一個就會好失落。有時可能凌晨四點返到去，間屋靜英英…長久就會有少少Lost」、「嗰時真係自己一個不斷咁喊喺屋企，唔係好健康。」
