https://www.instagram.com/p/DWrBv8wkTFw/kylo__12
仲記得舊年嘅10月，我第一次同螢花一齊練波，眨下眼已經過咗大半年，咁快又到S2嘅終極一戰，我嘅感覺係「快樂不知時日過」，由第一次見到螢花嘅成員，記住佢哋每一位嘅名，認識佢哋，見證佢哋進步，每一刻我都好開心。
雖然要喺短時間入面，改變一支球隊係非常唔容易，球員會不斷犯錯，懷疑自己，受傷，好多問題都會影響所有嘅部署，但我仍然好享受同螢花相處嘅時間。我慶幸，我有一班，永不放棄，不斷改進，喺錯誤中學習嘅球員。
我知道有好多嘅球迷都好關注一班球員，首先好感謝大家嘅支持，無論係批評定鼓勵，多謝大家喜歡足球女將2，喜歡螢花，陪佢哋走過每一段路，而喺4月5號嘅終極一戰之前，我都有啲諗法希望同大家分享。
我知道大家都會好期待終極一戰當日嘅賽果，但比起成績，我都希望大家去感受吓螢花每一位呢半年嘅努力。
呢一班球員，當中有部分係剛剛接觸足球，有啲只係學咗兩年，而佢哋都係未嘗試踢過一個好多球迷觀看嘅大型比賽嘅。雖然螢花一直力爭上游，爭取挑戰更高水平對手，但畢竟佢哋嘅對手係越嚟越強，甚至係去到同一啲踢過差不多超過10年以上好有經驗嘅球員去落場比試，大家可以試諗吓個壓力係相當大。
螢花係強，但我嘅球員亦都會有情緒，無論係出於咩原因，咩因素，佢哋係會害怕。希望大家畀多啲鼓勵，支持呢班本地球壇新人，一齊陪伴佢哋喺壓力中成長，同佢哋一齊並肩作戰！
4月5號，我哋會話畀所有人聽，我哋螢花嘅精神，係唔怕失敗，堅持，熱血，我哋有嘅係對足球嘅熱誠，應𠄘呢啲全部都會喺終極一戰展現到畀大家睇。
我記得上年郭sir有個目標，今年我亦都希望可以完成呢個任務。
#入波
@viutv.fcw
