大家好啊，又係我 啊 自作自受
好慶幸我今日仲未比警察拉
今日我開part3嘅帖 主要係要總結下所有野同其他建議

總結:
問題1:有幾多人問左 自己嘅資料有無流出？
答:估計有200人左右 問左，流出幾率有90% （平均10個人問，9個係有中）

問題2:我嘅資料流出左，有人可唔可以憑流出資料黎起我底
答:有幾個方法的確係可以起你底
1.可以憑你isp email / IP / 電話號碼 搵網絡供應商 就知道你地址 (警方/政府先可以咁做 | 唔排除網路供應商有25仔)
2.可以憑你email / 電話號碼 就可以搵到你 社交網站嘅賬號

問題3:我唔想比人 起底，要點做？
答:換左個email同電話號碼去啦，或者刪左你個社交賬號去

問題4:我換左14個長度 嘅密碼，而家係咪好安全？
答:如果你嘅密碼係 包括左 你嘅名/出世日期/電話號碼 嘅組合，其實係唔安全嘅
建議:你個密碼 要有 一個 大寫字母，細寫字母，數字，特殊符號，
2-3年換一次密碼，密碼長度要增長
原因係電腦科技 每年都會進步，黑客破解你嘅密碼時間就會越來越快

問題5:我個名無喺流出名單裡面 係咪代表我已經安全
答:睇黎 呢位會員對 高登嘅 網絡安全抱著 好大嘅信心，
以前我有管理過 一個起碼20年嘅網站，有一年突然個網站比黑客入侵
問返我老細先知道原來 個網站 每隔幾年就有 黑客入侵
最後我 查返所有 文件，先發現 原來 黑客第一次 入侵嘅時候 已經留左 後門喺度，
只要個黑客想，隨時都可以 入黎搞你

問題6:咁已經有幾多人買左嘅名單？
答:初步估計已經超過100人買左（9成係外國人），經過我比左 智商稅核實 之後，仲會有越來越多香港人會買

問題7:個名單係點嘅？任何人都識得點用？
答:係excel格式，的確任何人都識得點用

問題8:我個電話一直收到騷擾電話/信息 要點做
答:睇返來電顯示 係咪 來自香港，如果係，可以直接去報警，放心，警察會搵到條友出黎

問題9:如果因為呢單野導致我生活受到影響 是否可以提出控訴
答:有3類人 可以告，賣名單嘅人，買名單並且對你造成騷擾嘅人，以及高登
賣名單嘅人- 條友喺暗網 神出鬼沒，基本上好難搵得到
買名單並且對你造成騷擾嘅人 - 只要佢敢搞你並且係香港人，直接報警就可以
高登- 根據網絡安全條例（我果邊）- 數據庫係唔可以 直接儲存 用戶嘅 密碼/地址/電話號碼 （呢度內容都係要求加密）

問題10:我無高登賬號/或者我本人唔想用高登賬號黎 問自己資料有無流出，要點？
答:sent email到 [email protected]，我會幫你check,
不過由於我唔知你係咪本人，所以一切資料都會打碼
由於問題9 牽涉到 官方，呢個貼都係有可能比官方刪除，所以建議大家cap圖先

最後要求官方（估計都係唔會理）：
由於今次 嘅 流出名單 導致左 好多人 日日提心吊膽，皆因佢地 曾經匿名寫左好多野喺呢度
所以 強烈要求 官方 要 刪除 舊文 同埋 會員 刪除