大家好啊，又係我 啊 自作自受
開貼之前 都係要同 啊 高町 道歉先, 唔好意思，未經過你嘅允許就登入你個account
雖然我見到你已經換左個密碼，不過由於我未 登出你個賬號，依然可以用緊你個account黎開貼
所以你放心啦，今次我寫完呢個貼就會登出，相信我，我絕對係一位好人

本人資料：
馬來西亞人，從事4年IT工作，擁有8年IT工作經驗（最近已經辭職 非常得閒無野做）
聯絡：[email protected]

事件起因：
其實呢單暗網出售30萬會員嘅事係我本人發現先，然後我去左 香港群組 同佢地講，
無諗到裡面其中一位會員 - 想要粒天鱗? (#472334) 會走黎高登發帖 導致呢件事會發酵到今日都未完
如果唔係聖誕節果日 我太過得閒 見到呢單野，我都唔會去暗網 比智商稅買黎核實

講返正題：
經過本人核實，已經證實左 會員資料係真嘅，由於覺得你地唔會信我，所以我就隨機抽左20位比較活躍嘅幸運兒
並且影低左佢地嘅資料，比佢地核實下（放心，我已經打左碼，放左****，4粒* 唔代表長度係4位 ）

IP 我就唔影啦
用戶ID 多過 498171 估計係 2019年8月之後嘅新用戶，所以無出現喺裡面

至於我見到有 高登職員 出黎澄清話
2019年8月之前受到嘅攻擊
- 自行編寫應用程式使用不同IP不定期或定期擷取討論區內容 （包括會員內頁、貼文內容）。
- 使用不同IP假扮用戶發送HTTPS請求嘗試導致討論區運作癱瘓。

其實我想講 呢d係普通野黎，無可能會獲取到 會員嘅私人資料
主要而家人地係 精準到 攞到嗮 會員資料 包括email, 密碼, 電話號碼，IP 等等
所以我非常肯定 黑客 其實已經入侵左 高登嘅 數據庫 ，並且已經盜取所有資料
至於官方知唔知 就係另外一回事

至於個黑客仲有無 盜取 所有帖子資料，我就唔知咯（眾所周知2019年8月前係一個好敏感嘅時期）
可能個黑客嫌帖子資料嘅memory太大 唔想下載 都有可能

要做嘅野：
用戶方面：
-更換密碼
-del嗮寫過d敏感野
-發帖最好係用VPN

官方方面：
-用戶更換密碼之後，要自動登出所有賬號
-添加賬號 移植功能（用戶可以移植到 全新嘅賬號，入面唔會有之前寫過嘅野）
-要封鎖外國IP
-報銷一下我嘅智商稅 + 顧問費

個人建議：
其實高登資料 洩漏 喺暗網入面 都係九牛一毛，
好多大型企業 例如 fb,instagram,twitter,whatsapp,twitch,tiktok 同埋
好多國家嘅政府網站都有被入侵過，並且資料都有人放喺暗網出售
反正我認為有一日 真係會有一條友 走出黎 然後爆嗮 全世界人嘅個人資料，然後所有人嘅資料都會透明化
所以真係唔好上網亂講野

如果官方覺得解決唔到問題，都可以嘗試解決提出問題嘅人（呢個貼你地最好cap圖先，話唔定我好快就會比官方解決）
或者可以去報警，不過我覺得作用並唔大