看著狗狗專心吃飯的模樣，我感到精神一陣放鬆，
唉，牠的主人想必很擔心吧，
我拿起街招，準備打去上面留的手機號碼，
Husky突然跳過來，腳爪按住了座檯電話的掛線鍵，
「乖啦，打緊俾你主人呀～」我輕輕推開牠的手，
然後我按了兩下，牠又一腳踩斷了通話，
我呆然望向牠，牠不會是故意的吧，
我掏出手機打，然後看著Husky的動作，
牠把頭擠過來，擋住手機的屏幕，
「點解唔俾我打呀？」我問牠，牠雙眼看著我，好像想告訴我些甚麼，
「唉，我出去出便打啦。」我站起身欲開門出去，
Husky把身體頂住門，然後和我對看，
這隻狗的古怪行徑激起了我的好奇心，我決定看看牠到底打甚麼主意，
我急步衝向房間，Husky會意跑了過來，
可是牠慢了一步，我剛好關上房門，
「哈！我打俾你主人啦！」我故意大聲地說，
Husky在外面吠叫，時而兇惡時而淒慘，
你可能覺得我很無聊吧，居然去和一隻狗鬥氣，
不過，接下來發生的事會令你一點都不覺得無聊。

我按下電話號碼準備打出，Husky的聲音也急了，
「我打啦～」我手在半空，離撥出鍵只有兩厘米遠，
「咪向左走向右走打呀！！！！」一把低沉的聲音喝道。

空氣應該靜了有兩三秒吧，我手僵硬地抬在半空，
難道有人進來了？
我打開房門，Husky立即焦急地撲了上來，
牠咬走了我的電話，但我沒管，只是衝出客廳看有沒有人在，
家裡不過幾百呎，一看便知沒有其他人了，
「你......你頭先....講嘢.....？！？！」我唯有接受現實，望向口中咬著我部碌２的狗狗，
「吐，」Husky吐走電話，然後好像嘆了口氣，「係，我叫你唔好打嗰個電話。」
「Hi............！！！！！！！」我嚇得飛身退到牆壁邊緣，
「冷靜啲，你當我係阿古獸咁睇就無咁驚架啦..！」那隻狗好像很怕我大叫，走過來安撫我，
「阿...阿..阿古獸.......？！？！」我喘著大氣，「你..你究竟..係咩.....」
「狗囉，咁啱識講嘢啫！」Husky說得好像很平常似的，
「狼..狼人....人狼..妖怪.....上錯身......係..係邊樣....」我努力迫自己冷靜點面對，
「我真係純粹一隻狗嚟！」Husky沒好氣地白了我一眼，表情還有點麻甩，
「呼.....」我深深地吐了一口氣，「咁，你點解識講嘢呢！」
「唔知呀，俾人養養下發覺自己識講人話，又驚主人好似你咁大反應囉！」Husky索性坐了下來，
牠的理由非常牽強，但我又想不到可以怎樣質疑牠，
「咁做咩唔俾我搵你主人？！」我唯有轉問別的問題，

「唉講起我就扯火。」堂堂一隻狗竟然老氣橫秋地用高登術語，驚嚇得我不知該怎樣反應。

「嗱，是咁的，我今年都四歲啦，咁我個主人就話要幫我配種，話生返啲純種喎，」Husky竟然認真地開始講故事，
「咁無啦啦送條女俾我，我唔通話唔好咩係咪先，但斃在你地啲人類完全無審美觀呢下Hi Hi，嘩我一見到條所謂純種Husky狗女，真係隔夜狗糧都差啲噴出嚟呀！小喇叭！高低膊八字眉，仲有佢對眼生得開到呢，幾乎上埋對耳度！OK你可能話我對住佢背面都睇唔到個樣呀，蒙頭入閳囉。係，我開頭都咁諗，點知行到佢屎忽度，嘩！對眼分得開到直情可以前面望到後面呀！佢個身仲要臭架，真係你Hi埋我嗰份嘞！」想不到這隻狗是一隻長氣狗，
「咁你都唔駛....」
「我未講完！」Husky禁止我發言，
「仲有嗰件豬扒個女主人，成四張嘢睇佢個款都嫁唔出攬住隻狗盛女愛作賤架啦，亞太區有一天成為亞太區你個街仲要心理變態，係咁眼甘甘望住我地兩個都算，點解要係隔離吶喊助威，係咁『騎上去啦』、『溫柔啲俾心機』？！」Husky越說越憤怒，「你話點忍呀！我係狗啫我都有尊嚴架！於是我咪咬咗佢一啖轉身走佬囉，頂，你唔好俾我見返個死八婆添呀，我實示範俾佢睇咩叫做溫柔啲俾心機，汪！」

唔熟狗種嘅巴打 以下呢隻就係Husky

就是這個原因，這隻會說話的怪狗決定離家出走，以免再被迫當著主人面前做不愛做的事，
我一時之間也不知道怎樣處署牠，幸好牠說只是想找個地方冷靜幾天，
所以，我答應讓牠暫時留下，
沒辦法，你叫我怎麼拒絕一隻會說話的狗？
「係哩你主人叫你咩名？」我問，
「唔........」牠好像不太想說，
「你唔係怕醜掛，狗名咪嚟嚟去去Lucky、Rocky之類。」我笑罵道，
「....我..我叫小明....」
「............」
「............」
「小明 sit。」
「Hi Hi啦。」

小明和一般的狗有甚麼分別？基本上除了外型，牠根本一點也不像狗，
牠言行舉止像一個麻甩阿叔，平時在家不但會看電視，更會偷用我的電腦，
幸好牠不會上咸網，不然我可能真的不知怎樣面對一隻會上ThisAV的狗，
老實說，如果小明說牠是人類變成的，我反而覺得可以接受，
毫無原因就出現一隻有人類智慧的狗？！不太可能吧，除非牠受過幅射。
另一件事，小明非常喜歡吃波仔的飯，
牠還指名晚餐要吃甚麼，天哪，下一步不會是Whatsapp我吧。
樓下的大波榮對小明很有興趣，老是問我牠的事情，
他的態度讓我有點注意，因為養狗一向是他引以為傲的興趣，
而牠的洛威拿更是號稱為村內第一犬，
希望他對小明的興趣只止於好奇吧！

「喂，你幾時發現自己識講嘢架？」我忍不住問小明，
「我主人係女人，佢好鍾意煲劇，TVB劇每日喪煲，次次失戀又搵我傾心事，然後一歲嗰年，我發現我唔止聽得明佢講咩，仲可以發到音，」小明吃雞吃得津津有味，
「但係咁樣都解釋唔到你嘅思維行為咁鬼似人類架？」我問，
「唔....我諗我係有啲唔正常，一歲之後我學習能力突飛猛進，仲開始學識睇人類嘅字。」小明的能力肯定會是顛覆世界的發現，
「於是你就憑你主人講嘢同埋劇集嚟學我地嘅思考方式？！」
「劇集就練口語啫，你地人類啲嘢我係上Forum學嘅。」小明答道，
「咩...咩Forum？！」我有點不詳預感，
「高登囉！」
換句話說，小明的價值觀都是自高登學來的，
Hi Hi..................

吃完飯後，小明坐在我旁邊，舒服地伸了個懶腰，
「小明，不如落街散下步哩，我有報紙喎！」我一時興起，因為我很多年沒帶狗散步了，
「散你老尾.......出面咁鬼熱，你要唔要試下著件皮草出去行幾圈？我愛斯基摩個邊過嚟架！信唔信我告你虐畜呀。」小明拒絕得非常嚕嗦，
「但係，你都要痾尿掛？」我被潑了冷水仍不死心，
「唔係掛？！我嘢都識講，你覺得我唔識去廁所痾？」小明表情輕蔑地說，
想不到，我居然會被一隻狗「窒」得回不了話，
「仲有呀，樓下隻洛威拿兇咗我幾鑊啦，話如果我係佢地盤留尿，狗鼻都咬甩我咁話喎！」小明說，
對啊，大波榮養的洛威拿的確很兇惡，既然如此，我只好放棄帶牠出門的打算，
「咦，等等，」我突然想到一件很重要的事，「如果你係睇TVB學口語，點解你會識講粗口架？！」
小明沒好氣地白了我一眼，
「我高登都曉上，上埋Youtube有幾難呀，我兩歲打後TVB膠劇已經滿足唔到我嘞。」牠老氣橫秋地說，
「哈哈連狗都唔睇TVB，咁你而家又坐係度睇咁耐...........」
「你間屋得嗰幾百呎我走得去邊呀？」小明笑說，
這隻死狗真的一點都不可愛。

其實養狗是一門很深奧的學問，不同的品種在飲食習慣和訓練方法上都很不同，
有的可能要常常帶出去跑步，有的則盡量不要讓牠跳動，
即使是同一品種的狗，例如尋回犬，也會有幾個品種，不論毛髮長短及打理方法皆迥異。
小明屬於阿拉斯加雪橇犬的品種，理論上牠運動量需求頗大，所以牠的懶惰真是大出我意料之外，
我有嘗試幫牠打理毛髮或叫牠去洗澡，但那衰狗每次都以粗口回應，
「Hi 你唔好攞水淋我呀！打鑊你架四眼仔！」小明誇張的反應讓我覺得牠是怕水的，
「喂你狗嚟架，街又唔肯出，涼又唔肯沖，你係咪想生皮膚病呀！係咪想無飯食呀！」我恐嚇說，
「有冇咁誇張呀！睇下電視就生皮膚病？！」看來恐嚇對小明有點效用，
我拿出狗帶，一臉笑吟吟的樣子，
「你地啲人類真係好那Hi Hi，成日迫啲狗做你地想做嘅嘢。」小明不情願地被我套上狗帶，
我懶理牠的埋怨，因為帶隻有型的狗散步一向是我童年夢想，
「唔好行咁遠呀，村入面架咋！」小明警告說，
我哈哈一笑沒有理會牠。

晚上的星空很漂亮，這種景象是住在市區不會看到的，
雖然許多人覺得住郊外很不方便，附近又沒有店舖，
但老實說，香港之大又可以有多不方便？
兼且有些生活上的情趣，並不是一兩座領匯商場可以提供的，
單單為了這刻心靈上的平靜，我就甘於每天多坐十五分鐘的小巴。
「一條友行行下望住個天傻笑，係咪早期思覺失調病徵？」小明突然說，
「你識咩呀，戇狗。」我哼了一聲，
迎面而來有一人一狗，一看原來是大波榮和他的洛威拿，
「陳仔！」他大聲打招呼，我苦笑一下向他招了招手，
他打量了小明一會，看得那隻衰狗渾身不自然，
「你個Friend啲眼神可唔可以唔好咁猥褻。」牠說，
「殊！」我示意牠別作聲，
「你隻狗啲毛色都幾靚喎。」大波榮笑說，旁邊的洛威拿不懷好意地盯著小明，
「係咩哈哈。」我微笑說，
「汪！汪汪！」洛威拿雄壯的聲音夾雜威脅的意味，看來牠的目標是小明，
小明看看我，我鬆鬆肩膀，表示狗界的糾紛我管不了，
再說大波榮一副笑吟吟的樣子，好明顯是在故意讓洛威拿示威，
也許對他來說，搞清楚兩隻狗的上下關係是很重要的一件事吧！

小明可能比較少和其他狗對峙，加上牠奇高的智慧，我也有點興趣想知道牠會如何應對，
只見小明站著，不吠、不退縮也不前行，就這樣一動不動，
洛威拿虎視眈眈，喉頭不斷發出嘶吼聲，
我和大波榮就這樣看住兩隻狗，而小明又沒反應，
黑夜的路上靜得只聽見洛威拿的叫聲，畫面相當怪異。
不知過了多久，有如石像的小明氣定神閒，反是大波榮的狗叫得聲音也啞了，
「Tiger，Sit！」大波榮見狀，改為向狗發號令，
洛威拿聞言馬上坐下，果然是訓練有素，
大波榮微笑望向我，看來兩隻狗的對決已升華到兩個小精靈訓練員的對決，
其實我也覺得整件事很無聊，但不知為何，我不甘心就這樣示弱。
「小明...........你冇綁鞋帶喎！」我說，
小明聞言不解地望一望我，然後隨即會意低頭看著自己雙腳，
大波榮渾身一震，想是未看過這種訓練狗的方法吧，
「Tiger，碌！」大波榮臉上笑容消失了，
洛威拿乖乖地在地上滾了兩圈，絲毫沒有半分猶豫，
「小明，五體投地。」我微笑說，
小明嘆了口氣，默默趴下，像向聖城朝聖的信徒般伸直雙手，
再怎麼掩飾，大波榮也遮不了臉色劇變，
只見他胸口不停起伏，臉上陰晴不定，
「Tiger，砰砰！扮死！」
「Tiger，跳！訓低！跳！訓低！」
洛威拿和大波榮氣喘呼呼，後者露出一絲奸笑，似是在嘲笑我技窮，
沒辦法，我只有使出必殺技了。

「小明，你有睇過喜劇之王架啦！」我對小明說，
小明斜眼看我，一臉吃了屎的表情，想必是猜到我要幹甚麼，
「係醫院等老婆生仔！」我大喝一聲，
小明坐在地上，雙眼睜大，一隻前爪掩住嘴巴，狀若緊張失措，
「個仔出世！」「老婆死咗！」小明作狀地做了兩個誇張的表情，
「個仔識叫爸爸，天才嚟嘅！」
「條啫生係個頭度，畸形！」「中合彩！頭獎！」
我每說一句，小明都做出模仿周星星的動作，
「個仔死埋！」小明聞言雙眼反白，躺在地上一動不動，
「老婆翻生！」我大喝，小明依然一動不動，
不錯，連受到太大驚嚇而暈倒的反應都能完美表現出來，不塊是高登教出來的，
我滿意地一笑，然後看往大波榮，
大波榮和洛威拿表情一樣，兩者皆雙目睜得極大，像看著異形般望住小明，
然後，大波榮雙腳一軟跌坐在地上，
「我....我...我輸咗..................」大波榮聲音顫抖，
洛威拿也像明白發生了甚麼事，雙耳垂下表情沮喪，
我拍拍小明的背脊，示意牠一起離開，
「等等...！」大波榮突然喝止了我，
我不情願地別過頭，生怕他又想再比賽甚麼，
「我作為狗隻訓練員咁多年，從來未見過如此驚人嘅成果，」大波榮說，「下個月嘅十八區狗隻訓練大賽....你可唔可以代表我地條村出賽？」

我沉吟片刻，但見小明死命地搖頭，恐怕牠是不想被牠主人看見吧，
「對唔住，我唔可以參加比賽。」我回答大波榮，
「點...點解呀...？！你一定可以係粉嶺手上羸到冠軍返嚟架！」想必大波榮把這個參賽資格讓給我，心內也經過一番掙扎，
我聽聞，大波榮多年來都輸給粉嶺某條村，以致他自覺有愧圍村眾人的期望，
現在他為了圍村的榮譽竟然肯放下個人尊嚴，單只這一點已讓我對他好感大增，
「我唔肯參賽，係因為............我訓練狗並唔係為咗輸贏。」我拋出一個抽象到極的答案，
只見大波榮一愕，果然丈二和尚摸不著頭腦，
「你未訓練到家，係因為你心入面有輸贏，做唔到人狗合一。」我畢竟看了那麼多古龍、王家衛，一兩句故弄玄虛的對白可難不到我，
大波榮頓時心神一震，好像聽到了甚麼至理名言似的，
我見時機剛好，別過頭和小明揚長而去，留下呆頭呆腦的大波榮和不知所以的洛威拿。

我記得在叮噹某集的故事裡，大雄救了一隻流浪狗，
後來狗接受了進化光線照射，站起來有禮貌地多謝大雄，
那情況和我現在有點類似，分別只是人家的狗會說敬語，我救的那隻會講粗口。
小明在我家住得很舒服兼且很不客氣，
不過很奇怪，這隻狗一點都不想走出戶外，
無論我怎樣說，牠就是死都不肯出去散步，
「陳仔，唔帶隻狗出嚟行下？」那天下班回家遇到大波榮，
「唉，佢話唔想行喎！」我嘆口氣說，
大波榮一臉詫異，我意識到自己用詞不當，
「我意思係佢死都唔肯行出嚟！」我解釋，大波榮恍然大悟地點頭，
「高人嘅訓練方法果然唔同啲....」大波榮一邊走一邊喃喃自語，
圍村人雖然表面上很惡，但如果跟他們熟絡，你會發覺圍村是一個很好住的地方，
像大波榮這種典型圍村仔，自從上次那件事後對我態度大好，更給了我一堆狗用品。
說起那隻小明，一開始我對牠的奇特充滿興奮及好奇，但很快就被牠的毒舌搞得興趣全失，
可能你不會明白吧，不過人類的自尊心比起會講粗口的狗來得更重要，
尤其是，當這個人類的力追對象將會來到自己的家中。
「放心喎，我一定會交足戲架，唔好睇我咁，我啲戲好過咩嘉欣BB呀！」小明用肉球拍了拍身體，
我一臉狐疑的看著牠，問題是，我除了相信牠也別無他法了，
唉，一切都怪自己衝動說錯話。

話說我已追求了女神一段時間，
嚴格上也不算甚麼力追啦，我們不過吃了兩次飯看過一次電影而已，
但由於女神有點超出我的能力範圍，那三次約會已足讓我當作人生的一大躍進。
女神和我同年，我們是在一次朋友聚會上認識的，
她是典型周慧敏式的長髮美女，行為舉止都非常優雅及有教養，
可說是現今碩果僅存的氣質型女性。
上次約會我和她聊起電影，她說她上次看了極地長征，覺得非常感動，
我一時手足無措，因為我一向不看這類電影的，
然後我自女神的話語中聽到「Husky」，
我如捉到救命稻草般把話題轉移到狗狗，果然女神也非常喜歡Husky，
我越說越起勁，結果一下衝動，脫口說出自己家裡也有一隻，
女神聽畢甚有興致，更問我可否過來看一下，
連女神都親自開口說要上我家了，我可以拒絕嗎？
唉，我當然只能硬著頭皮答應。

呢篇好有三哥最初D故既味道

親！汪！

好耐冇見啦德仔老豆

同husky 玩狗仔式
人狗合一

安而不　麻煩你出去冷靜十五分鐘

女神到來前，
「唔駛咁緊張喎，嗱女人好易對付啫，我有條必勝方程式你有冇興趣聽下？」小明趴在我身旁說，
「好，你講呀。」
「六個字，一聞一舔一騎。」小明抬起狗頭，裂開大嘴笑，
「其實我一路好想知狗肉係咩味。」我狠狠地咬著牙，小明「嘻嘻」一笑跳開，
叮噹，
我心頭一緊，手腳僵硬地過去開門，
可能你會覺得，自動送上門的女人可以有多女神？
正所謂不吃白不吃，我沒有理由錯過這個機會吧！
不，那只是你不明白我的女神，
如果她說上你家看狗，她便真的只是看狗而已，絕對不含任何暗示，
「打攪哂~」女神向我嫣然一笑，
即使看了很多次，這個笑容仍然每次都擊倒我，
「汪！」小明衝了過來興奮地搖尾巴，還作狀用鼻子嗅女神，
「Hello~你叫咩名呀~?」女神高興地摸小明的頭，
「佢叫小明。」我深怕牠一不小心真的答了問題，連忙搶著答道，
小明扮起狗還真的狗模狗樣，但一看見牠被女神摸得很爽的表情就讓我有點煩躁，
「小明唔好咸濕姐姐啦，NO！」我把牠拉開，示意女神進去坐，
那隻衰狗望著我，表情好像有點暗笑，
「你唔好玩嘢呀！」我小聲地在牠耳邊說。

女神坐在沙發上，一臉溫柔地逗著小明，
小明表現得很興奮，又跳到她身上又舔她的臉，
我想把牠拉開，但女神說不要緊，還說小明很乖巧，
我完全變成陪襯般坐在旁邊，偶然端上飲料和小食，
「佢幾多歲啦？」女神問，
「哦.....4歲..」我思索了一會才答，
「之前未聽過你話有養狗嘅？」女神撫著小明的頭，後者舒服地閉上眼，
「其實隻狗我幫人睇住嘅，擺係度一排架咋！」我早預備好標準答案，
「哦～」女神應道，
然後兩人一狗進入尷尬的靜局，我拚命在腦內搜尋話題，
想不到女神出現在我主場，我卻反而比前幾次更緊張，
小明也察覺到氣氛不對，頻頻向我打眼色，
『講嘢啦！』小明用口型對我說，
竟然淪落到要一隻狗提示我，快點想個話題吧！甚麼都好！
「唔..........」我茫然開口，女神望向我，
「其實.........」
「.....其實..........」
糟，整個腦一片空白，
「阿小明...................佢......」
「......佢識跳舞架！！」

早晨咁多位 好睇記住幫手正評！
你的回覆就是我的動力

小明雙眼睜得圓滾滾，不能置信地盯住我，
『Hi Hi你陰我？！』小明這次用口型講粗口，
「係咩？咁得意？我想睇呀～」女神高興地拍手，
「係...係呀...佢一聽KPOP就會跳架啦......！」騎虎難下，我不受控地衝口而出，
女神興致勃勃地用電話上YouTube，然後找了一首韓國歌出來，
「Oppa Gunam Style.......」歌聲響起，女神滿腔期待地看著小明，
小明望向我，我又望向小明，
我擺出一個懇求的表情，但小明的樣子似乎想咬我，
我走入廚房，拿出一個波仔飯盒，
『兩個葡國雞飯。』我在女神背後用手比划，
『三個！』小明用口型答我，
我狠狠地點了點頭，小明長嘆一口氣，
「佢係咪唔鍾意呢首歌呀？」女神別轉頭問我，
「哈哈..可能係呀..佢唔鍾意肥仔架！」我信口開河，
女神換了一首歌，
「WOW, Fantastic Baby...........」

電話屏幕上的人扭動著，小明也不太情願地跳跳四腿，
「哎呀，你睇下好得意呀！」女神竟然過來拉住我的手，身體和我的距離只有三公分，
我面一下子脹得通紅，甚麼腎上腺腎下腺指數統統爆升，
「唏少嘢啦！佢識moon walk添呀！」我興奮得口不擇言，
一出口便知不妙了，果然小明一臉憤怒，四字成語全部衝到口邊硬生生吞了下去，
牠不情願地踩著地面，拙劣地模仿了幾下舞步，
「嘩好犀利呀！！！」女神整個人跳了起來，雙手捉著我的手臂，
「哈哈係呀，唔止添呀佢仲.......」我話未說完，小明突然跳起，一口咬走女神手上的電話，
女神驚呼一聲，眼睜睜看著小明跑進房間裡面。
我攤攤手表示沒事，然後走進房間反手關上門，
「你搞咩呀？！」我問小明，
「我Hi 你呀Moon Walk！四眼仔家下你係咪玩野先！」小明吐出電話破口大罵，
「喂唔係呀，咁我見女神咁開心，一時忍唔住.....」我陪笑道，
「忍唔住？！要唔要我忍唔住痾篤屎落你地個頭度呀？」小明喉頭發出低吼聲，
「細聲啲啦！唔玩啦唔玩啦咁得未呀！」我連忙伸手捉住牠嘴巴，
「仲有頭先嗰啲咩歌黎架？！你知唔知對我嘅聽覺嚟講係同噪音完全無分別呀！」小明喘著大氣，
原來KPOP會令狗躁底，這倒是第一次聽。

三哥,今次會唔會有crossover呀>

係會同唔會之間有好大討論空間 現階段不作任何評論

「冇事呀嘛？」女神敲門後走進來，
「哈哈冇呀，佢頭先以為你部電話係玩具。」我連忙說，然後單手按住小明的頭，
小明從眼角怒視我，不滿意地坐著，
「唔緊要啦唔好鬧佢嘞，小明個樣好慘慘呀...」女神溫柔地撫著小明的頭，
小明竟然順勢鑽進女神懷裡，狗頭在她胸前磨來磨去，
「嘻嘻好痕呀小明～」女神輕聲嬌呼，
那隻衰狗在女神臂彎間瞄向我，竟然還擺出一副奸笑的表情，
正當我欲發作之際，門鐘突然響起，
我走過去準備開門，但小明一狗當先跑在我面前，然後對我搖了搖頭，
我不解地看著牠，手已伸了出去，
小明跳起來擋著我，不讓我去開門，
「邊位呀？」我開不了門只好大聲問，
「哦，你好呀，我走失咗隻狗想問下你會唔會見過啫。」門外一把男聲說，
小明死命拖著我的褲腳，但女神的存在教牠有口難言，
「無喎唔好意思。」我決定幫小明一次，先趕走門外的人再說，
「OK我俾張傳單你，麻煩你見到Call我，唔該哂！」說罷門縫下傳了張傳單出來，
正正就是我遇見小明前看到的那張，
門外男人的腳步聲漸遠，小明看似鬆了一口氣，
「咦？」女神走了過來，「呢張傳單上面嗰隻............係小明？！」
我和小明對看，糟，這種情況可以怎樣解釋？！

女神拿起了傳單，看了看圖片又看了看小明，
我和小明呆然而站，似是等候審判的犯人，
小明用前腳踩了踩我，意思叫我想辦法說些甚麼，
「其實........都係Husky啫......似樣好正常呀哈哈...」這是我能夠想到最合理的解釋，
「唔係喎.......小明同幅圖一樣，眉毛中間有個『１１』喎！」女神仔細地比較，
要知道，Husky眼睛上面的毛黑白分明，有些品種額中間都會有一條白色分隔線，
但女神說完後我再望向小明，發覺牠額頭竟有兩條粗白色線，看上去果真像數字「１１」，
「衰狗，堂眉都生得衰過人。」我細聲地說，
小明一口咬住我的腳，痛得我偷偷地踢了牠一下，
「我知道你鍾意狗，但小明主人會好慘架.....佢地一定好唔開心周圍搵緊佢。」女神語重心長地說，
「吓？！」我完全未能意會女神的意思，
兩秒後，我明白了，
Hi Hi，女神以為我偷狗！

「不如咁啦，我幫你打去同佢地講話我地搵到隻狗？」女神溫柔地說，
我腦袋一片空白，因為我真的不知道如何處理，
好端端的約會，大家摸摸狗嘻嘻哈哈，結果被女神懷疑我從事綁架狗隻活動，
還一副談判專家的口吻和我說話，叫我放過肉參云云，
我求助般望向小明，那隻衰狗竟然別過頭裝蒜抓癢，
我沒可能告訴女神小明會說話吧，如果小明不肯認，女神一定會以為我是個有精神病的賊，
那我可以說甚麼？
女神見我不作任何回應，輕輕地嘆了口氣，
「你考慮下啦，無論咩事你都可以搵我商量架。」女神放下傳單，拿起手袋離開，
臨行前她拍了拍小明的額頭，小明溫馴地閉上眼，
女神走了，屋中剩下我和小明，
「我頂你做乜唔出聲呀！！」我大吼一聲撲向小明，
小明像早預料到般側身跳開，
「痴線！唔通我同佢講『喂其實我識講?架』咁呀？！」小明理直氣壯地說，
「我今次俾你累死啦！！你話我點同女神解釋呀？！」我伸手向牠抓去，
「超，你求其話我主人虐待我，你睇唔過眼救我咪得囉！」小明跳到梳化上，
我聞言一呆，差點忍不住哭了出來，
想不到我的智慧竟然連狗都不如，
「唔好咁唔開心啦，睇你個款就算無事都溝唔到佢架啦！」小明把牠的狗爪搭在我肩上，
連小明都看不起我，我真不該生存在世界上....................

我沉沒在悔恨和羞愧的情緒之中，良久才稍見平復，
「係哩，點解你咁怕俾你主人發現你？同埋你又話主人係女人？」我想起剛才小明的奇怪反應，
「哦................」小明抬起了頭，「?個係主人個新男朋友，佢對我好差架，成日偷偷地打我！」
「咁衰格？！使唔使幫你還拖呀？」我說笑，
「你？你連我都未打得贏啦！」小明鼻裡哼了口氣，
「咁落去唔係辦法喎，你諗住幾時搵返你主人？」我問，
「唔.....」小明沉吟，「我有個主意。」
「？」
「我決定報你救命之恩，幫你溝到女神先走！」小明突然昂首說道，
「你幫我溝女？！又係聞屎忽??呀？唔好掛！」我失笑道，
「雖然你地人類溝女麻鬼煩，又要送乜送物又要做兵咁，不過我綜合網上多種溝女方法，絕對有信心幫你搵到中出即飛必殺絕技！」小明樣子極有自信，
「咁又唔使....我都係想拖下手仔?。」我笑說，
就在我六神無主、不知怎樣面對女神之際，小明的提議仿佛帶來一絲曙光，
因為歸根究底，小明是我和女神問題的根源，
而且以狗對付愛狗之人，兵法上也絕對是上乘之策！
不過那時我沒想過，小明所謂的網上溝女大法，不就是平時高登巴打的FF嗎？

##早晨咁多位 睇故都要記得正評同埋留言呀！##


在小明的建議和推動下，我走出了勇敢的第一步，
我約了女神出來，說是跟她商量上次那件事，
「呃人好似唔太好喎......我唔想同女神關係建立係謊言上面呀...」我有點猶豫，
「呢位巴打，你溝女唔呃人咁用咩方法呢？憑你嘅天生麗質？定係無限嘅金錢呢？」小明坦白的說話尤如一把把刀插在我心上，
「之但係......」
「Come on James！你再唔狗衝，益哂啲狗公！」小明順帶吠了幾聲，
「唉！死就死啦！！」我拍拍臉頰壯膽。

我和女神相約在我家附近的咖啡店，
根據小明的要求，我全程都會帶著藍芽耳機，一直和家裡的牠保持通話，
女神到了，她默默坐下點了杯咖啡，
「對唔住，我上次無講個原因俾你知，因為我怕你會...會....」我照著小明的劇本打開話匣子，
「講埋落去啦！」藍芽耳機中的小明催促，
「....怕你會..唔鍾意.......」我一說完禁不住滿臉通紅，
「如果我冇估錯你而家應該紅都面哂，哈哈哈～」小明這隻衰狗笑得格格聲，偏偏我又不得發作，
「傻嘅.......諗埋哂啲無謂嘢。」女神溫柔地說，
我呼了一口氣，下定決心照著劇本說下去，
「其實我帶走小明係有理由嘅。」我望向女神，女神不解地看著我，
我將早已背熟的故事說出，情節就是小明上次說的虐畜云云，
「原來係咁........我都相信你唔係咁嘅人嚟！」女神好像如釋重負般，
我更是舒了口氣，想不到女神竟然沒有質疑我，
「咁你而家有咩打算呀？瞞得一時瞞唔到一世架。」女神的對答真的很TVB，
「我而家未有實質證據係手，到我搵到時我就會報警講哂出嚟。」我馬上依小明所說道出，
女神點點頭表示認同，小明的老套計策竟然逞效！
我們討論了一會小明主人的事，當然全部都是預先編好的，
經過這次對話，我感到女神和我跨進了一大步，可能是因為大家有了相同的秘密，
融洽的相處令我很高興，高興得完全忘記了一開始對於說謊的罪疚感。

「嗱，而家氣氛咁好，係時候再進攻嘞！」小明聲音傳來，
我故作鎮定喝了一口咖啡，不知道小明葫蘆裡賣甚麼藥，
「問下佢今個星期六有咩做。」
「係哩，你今個星期六有咩做？」我問，
「星期六.......應該冇呀～」女神答，
「望住佢對眼，我講乜你跟住講乜，」小明說，「唔知你今個星期六....」
「唔知妳今個星期六....」我照著說，
「.....會唔會有興趣....」
「.....會唔會有興趣....」我說，
「同我係三更時份........」
「同我係三.......更........?！」我說出口方意會到有點不對勁，
「呀，唔好意思，我睇緊唐伯虎點秋香，一時講錯對白。」小明還好意思嘻嘻一笑，
我心裡面不知罵了多少粗口，只是臉上仍然裝作鎮定，
「三更？」女神也不解地望住我，
「哦......三更.....即係呢.......」我不爭氣地結結巴巴起來，
「你講嗰套恐怖片？」女神不知為何眼睛好像亮了，
「係.....係囉..！咪就係嗰套恐怖片囉！」我順勢應道，
「你點知我鍾意睇恐怖片架～！哈哈好呀～你

「你講嗰套恐怖片？」女神不知為何眼睛好像亮了，
「係.....係囉..！咪就係嗰套恐怖片囉！」我順勢應道，
「你點知我鍾意睇恐怖片架～！哈哈好呀～你

「你點知我鍾意睇恐怖片架～！哈哈好呀～你有隻碟？」女神異常爽快地答道，
「有...有...梗係有啦..！豉油碟飛碟乜碟都有呀我～！」我馬上打蛇隨棍上，
就這樣，本來的星期六浪漫約會，竟變成港產恐怖片欣賞會，
這種無厘頭的轉折，相信現在連港產片都不會有了，
而最大的問題是，
我怕看鬼片。

我花了好大工夫才買到三更和三更２的DVD，
雖說女神將會來我家看電影，我實在大有進攻機會，
兼且在平時的故事裡，女人看恐怖片驚叫然後大力摟住男人再變成愛情動作片是常識吧，
不過，在現實世界，
怕看鬼片的多數是男人，怕得大叫縮頭的亦恐怕只會是我，
所以我真的高興不起來，我實在不知道連回魂夜都看得心寒的我可以怎樣捱過這兩套戲。
始作俑者小明正趴在地上吃黑椒牛肉麵，一副事不關己的衰相，
「你呀，咁多嘢唔講你講乜鬼野三更？講下中華賭俠唔得嘅！」我忍不住怪責牠，
「超，男人老狗睇套戲都淆底，唔係我講錯你都唔知你女神鍾意睇鬼片啦！」小明反駁，
我被牠這樣一說，不禁語塞，
「或者你女神見到你嚇到面青會母性大發，覺得你哎喲好陰公豬啊咁樣呢～」小明大笑，
「你食屎啦！一陣唔好再玩嘢添呀！」
「呀你仲話我？！上次唔知邊個Hi Hi又玩跳舞又Moonwalk呢！」
「再嘈帶你去做絕育手術呀嗱！」
「你條............嘩真係聽到都縮一縮呀！你夠彊試下呀，我實咬到你搖搖欲墜呀！」
叮噹！
我和小明吵鬧之際，女神到了。

「又打攪哂嘞，我帶咗啲嘢食俾你同埋小明呀～」一開門就看見女神咪起眼微笑，
嗚呀，又一支箭插進我心裡面，搞得我站在門前擾攘了幾秒，
「咦！點解小明食緊呢啲嘢架！咁咸咁油點得架？」女神看見地上的波仔盒，驚叫了出來，
「唔關我事呀，佢話要食架！」我反射性地答道，
看見女神疑惑的樣子，我方想起我又講錯了話，
「唔係，我意思係佢不斷纏住我，仲搶咗我個飯嚟食。」我馬上解釋，
「你一個人住成日食呢啲唔得架，好彩我攞咗啲食物嚟！」女神舉起手上的大袋。
原來女神知道我自己住沒甚麼好東西吃，特意為我預備了意粉、蛋糕、湯等等，
我吃著每口女神的心意，簡直感動得快要哭出來，
「小明你都有份架～」女神把食物倒進一個狗碗裡，
小明滿心期待過去一看，竟是狗狗專用的肉類罐頭和蔬菜混合品，
「係囉，小明快啲食啦～」我不懷好意地笑說，
衰狗盯著我，嘴角露出白森森的牙齒，
「做咩呀？唔鍾意食呢啲？」女神側頭看著牠，
「係囉，邊有狗唔食狗糧罐頭架，真奇怪！」我津津有味地咬著蛋糕說，
小明掙扎了一會，極不情願地垂低頭，咬了兩口那團不知名食物，
「乖～～」女神拍拍牠的頭，然後轉身走進廚房，
「唉，賢良淑德，無得頂呀.........咦

「係囉，邊有狗唔食狗糧罐頭架，真奇怪！」我津津有味地咬著蛋糕說，
小明掙扎了一會，極不情願地垂低頭，咬了兩口那團不知名食物，
「乖～～」女神拍拍牠的頭，然後轉身走進廚房，
「唉，賢良淑德，無得頂呀.........咦

「唉，賢良淑德，無得頂呀.........咦...？！」我說著之際，腳邊一陣異樣，
衰狗竟然用口將狗糧統統塞進我飯桌底的鞋裡！
「嘩～小明好乖喎！」女神一出來，小明裝作把狗糧掃了清光，還抬起頭吠了一聲。

女神真不愧是女神，看戲之前還準備了爆谷，
我裝作若無其事坐在梳化上，小明一副幸災樂禍的表情伏在我旁邊，
「估唔到你兩集都有喎，呢套好好睇架！」女神好像很興奮，
「係..係咩哈哈！」我隨口答道，
「係呀！每集都有三個唔同導演，一陣第二集仲有三池崇史添～」女神笑容滿面地說，
一陣？！女神打算一次過看完兩套戲？！
最令人想不到的是女神竟然認識三池祟史，看來我真的不太了解她。
第一集一開始是韓國導演的故事，看了不夠一半我已心裡發毛，
為什麼我怕看恐怖片？
其實也不是怕啦，只不過我是一個想像力豐富的人，
那些畫面總留在我腦海裡，然後洗澡時、獨處時，周圍的環境都會不斷讓我聯想起戲內劇情，
更不要提晚上發的惡夢，
所以，我一直不明白為何有人會熱衷於花錢買難受，
「嘩，咁重口味，我走先啦！」小明小聲地說，然後沒義氣地跳下梳化離開，
女神專注得臉頰緋紅，完全沒理會在旁邊面色慘白的我，
手機響起，是小明用家裡電話打給我，
「你個樣真係慘過死咗兩舊屎。」小明笑得格格聲，
「你打嚟就係講呢樣嘢？！」我瞄了一眼女神，不禁心裡有氣，
「我係你呢，就熄電視上馬啦！個女人好明顯發緊情喎。」小明老氣橫秋地說，
「痴線！」說畢我便掛上電話，
然後我望向女神，緊張的她臉蛋紅如蘋果，
加上起伏不定的心胸，看得我一陣心猿意馬，
或許是我不太了解女人呢！女神兩次登堂入室，沒理由打算全身而退吧！
小明的說話讓我心瘋狂地跳，如果女神一直在給我暗示，丁點反應都沒有也太沒禮貌了，
霎時間，恐怖片的配樂竟似份外浪漫，
我手伸了出來，戰戰競競地欲搭上她的肩膀，
手尖快碰到了，我緊張得手心都是汗，
「呀！！！！！！！！！！！！！」女神失控尖叫，
「嘩！！！！！！！！！！！！！」我被女神嚇得整個人跌坐在地板上。

女神的尖叫源於電影，我的尖叫則源於女神突如其來的聲嘶力竭，
尖叫過後，女神望向我，想必我當時的樣子如見鬼一樣吧，
「嚇...嚇死我啦....」女神指住電視，
我呆然地點點頭，然後指指廁所表示我要上洗手間，
我六神無主地走進去，然後小明也鑽了進來，
「你做乜勁呀？！做乜劏豬咁嘅聲？！」小明問，
「我....我....我嚇到標咗少少尿呀...........」我嗚咽地說，
「妖...........！！你係咪連輸精管同輸尿管都唔識分呀........」小明暗罵道，
我仍沉沒在害怕和羞恥之中，對小明的挖苦充耳不聞，
「唉，擒佢啦！你識唔識點樣擒雌性呀？！」小明問，
我搖搖頭，但也不想一隻狗教我怎樣做，
「我睇戲話男人要有一套，冇套就唔扑得架！好神奇！你有冇係身呀？」牠緊張地問，
雖然我知道小明好像有點誤會，但我也沒氣力糾正他，所以只簡單地搖了搖頭，
小明聽畢長嘆一聲，轉身狗衝出去，
我洗了把臉整理一下心情，硬著頭皮返回客廳，
女神仍然專心地在看戲，抬起頭和我對看了一眼，
「咦...？你臉色點解咁差嘅？」女神問，
「哦無呀....唔知呢.......」我伸手摸了摸自己，冷得像沒有血流過似的，
「你無事呀嘛？坐低先啦。」女神過來關心地說，
我也說不上來，或者我只是對和女神的下一步感到不安？
然後大門被頂了開來，小明咬著甚麼跑進房間，
我好奇地走了過去，因為我想知道平時死都不肯出去的小明究竟搞甚麼，
房間裡的小明坐著，牠跟前放了一小盒東西，
「頭先我去7-11咬住跑返嚟架！對你算係咁啦！」小明說，
竟然是一盒避孕套！